ഹ്യൂമേട്ടന്‍ 'തിരിച്ചെത്തി'; ആര്‍പ്പുവിളിയുമായി മഞ്ഞപ്പട; ചിത്രങ്ങളും വീഡിയോയും കാണാം

മത്സരത്തിന്റെ കമന്റേറ്ററായിട്ടായിരുന്നു ഹ്യൂം വീണ്ടും കൊച്ചിയിലെത്തിയത്. രണ്ട് സീസണുകളില്‍ കേരളാ ബ്ലാസ്‌റ്റേഴ്‌സിനായി ബൂട്ട് കെട്ടിയ താരം മഞ്ഞപ്പടയുടെ പ്രിയതാരങ്ങളില്‍ ഒരാളാണ്. നാല് സീസണുകളില്‍ നിന്നായി 28 ഗോളുകള്‍ നേടിയ താരം ഐഎസ്എല്ലില്‍ കൂടുതല്‍ ഗോളുകള്‍ നേടിയ താരമെന്ന ബഹുമതിയുമായായിരുന്നു ഇന്നലത്തെ മത്സര വേദിയിലെത്തിയത്.

എന്നാല്‍ മത്സരം അവസാനിക്കുമ്പോഴേക്ക് തന്റെ മുന്‍ സഹതാരവും ബ്ലാസ്‌റ്റേഴ്‌സിന്റെ ഹീറോയുമായ സികെ വിനീതും ഈ നേട്ടം കൈവരിച്ചു. ഹ്യൂമിന്റെ മുന്നില്‍വെച്ച് തന്നെയാണ് വിനീതിന്റെ നേട്ടമെന്നചതും ശ്രദ്ധേയമാണ്. 2014 ലായിരുന്നു ഹ്യൂം ബ്ലാസ്‌റ്റേഴ്‌സിലൂടെ ഐഎസ്എല്ലിലെത്തുന്നത്. പിന്നീട് രണ്ട് സീസണുകളില്‍ കൊല്‍ക്കത്തയ്ക്കായി ബൂട്ട് കെട്ടിയ താരം ബ്ലാസ്റ്റേഴ്‌സിലേക്ക് തിരിച്ചെത്തുകയും ചെയ്തു.

അഞ്ചാം സീസണില്‍ എഫ്‌സി പൂനെയ്‌ക്കൊപ്പമാണ് ഹ്യും. ഇന്നലത്തെ മത്സരത്തിനുമുമ്പ് കേരളത്തിന്റെ നായകന്‍ ജിങ്കനെയും സഹതാരങ്ങളെയും കണ്ട ഹ്യൂം അവര്‍ക്കൊപ്പം ഫോട്ടോയ്ക്ക് പോസ് ചെയ്യുകയും ചെയ്തിരുന്നു.