'പരിധി വിടുന്നു'; കളത്തിലെ മോശം പെരുമാറ്റം; ഖലീല്‍ അഹമ്മദിന് ഐസിസിയുടെ മുന്നറിയിപ്പ്

വിന്‍ഡീസ് ഇന്നിങ്ങ്‌സിന്റെ 14 ാം ഓവറില്‍ മര്‍ലോണ്‍ സാമുവല്‍സിന്റെ വിക്കറ്റ് ലഭിച്ചപ്പോഴായിരുന്നു താരത്തിന്റെ അമിതാഹ്ലാദം പരിധി വിട്ട് പോയത്. ഐസിസിയുടെ ആര്‍ട്ടിക്കിള്‍ 2.5 ന്റെ ലംഘനമാണിതെന്നാണ് മാച്ച് റഫറി വിധിച്ചിരിക്കുന്നത്.

താരങ്ങള്‍ മത്സരങ്ങളില്‍ നിന്ന് പുറത്താവുന്ന സമയത്ത് ആഗ്യം കൊണ്ടോ വാക്കുകള്‍ കൊണ്ടോ പ്രകോപിപ്പിക്കുന്നതിനെയാണ് ആര്‍ട്ടിക്കിള്‍ 2.5 ല്‍ സൂചിപ്പിക്കുന്നത്. മര്‍ലോണ്‍ സാമുവല്‍സിന്റെ ബാറ്റില്‍ കൊണ്ട പന്ത് സ്ലിപ്പില്‍ രോഹിത് ശര്‍മ കൈപ്പിടിയിലൊതുക്കിയപ്പോഴായിരുന്നു ഖലീലിന്റെ ആഹ്ലാദം. പക്ഷേ അത് സാമുവല്‍സിനെതിരെ ആക്രോശമായി മാറുകയായിരുന്നു.