ENG vs NZ| ന്യൂസിലന്റിന്റെ മധുരപ്രതികാരം; ഇംഗ്ലണ്ടിനെ 9 വിക്കറ്റിന് തകർത്ത് കിവീസ്

Published by:Naseeba TC
news18-malayalam

Last Updated:Oct 05, 2023 10:25 PM IST

152 റൺസെടുത്ത ഡെവൺ കോൺവേയും 123 റൺസെടുത്ത രചിൻ രവീന്ദ്രയുമാണ് ഇംഗ്ലണ്ടിനെ നിഷ്പ്രഭമാക്കിയത്

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ഐസിസി ക്രിക്കറ്റ് ലോകകപ്പിലെ ആദ്യജയം ന്യുസീലൻഡിന്. ഇംഗ്ലണ്ടിനെ 9 വിക്കറ്റിന് തകർത്തായിരുന്നു കിവീസിന്റെ മധുരപ്രതികാരം. 82 പന്ത് ശേഷിക്കെ 283 റൺസ് വിജയലക്ഷ്യം ന്യുസീലൻഡ് മറികടന്നു. 152 റൺസെടുത്ത ഡെവൺ കോൺവേയും 123 റൺസെടുത്ത രചിൻ രവീന്ദ്രയുമാണ് ഇംഗ്ലണ്ടിനെ നിഷ്പ്രഭമാക്കിയത്.

Also Read- ‘രാ’ രാഹുൽ ദ്രാവിഡിന്റെ; ‘ചിൻ’ സച്ചിന്റെ; ഇംഗ്ലണ്ടിനെ വിറപ്പിച്ച ന്യൂസിലന്റ് താരത്തിന്റെ പേര് ഇങ്ങനെ

2019 ഫൈനലിലെ അതിക്രൂര തോൽവിക്ക് ന്യസീലൻഡ് പരിഹാരം കണ്ടു. ലോർഡ്സിലെ തോൽവി ഏൽപിച്ച മുറിവുണക്കാൻ 2 സെഞ്ചുറികൾ കൊണ്ട് ലേപനം. ആദ്യ ലോകകപ്പ് മത്സരം അവിസ്മരണീയമാക്കുകയായിരുന്നു ഡെവൺ കോൺവേയും രചിൻ രവീന്ദ്രയും. കോൺവേയുടെ 152 റൺസിന് മധുരക്കൂട്ടായി രചിന്റെ 123 റൺസും.

Men’s @cricketworldcup debut ✅
Maiden ODI ton ✅@aramco POTM ✅

What a day for Rachin Ravindra 🌟#CWC23 #ENGvNZ pic.twitter.com/YHx5Kn1VHF

— ICC (@ICC) October 5, 2023

വിൽ യംഗിനെ രണ്ടാം ഓവറിൽ പുറത്താക്കിയത് മാത്രമുണ്ട് ഇംഗ്ലീഷ് ബൗളർമാർക്ക് ഓർമിക്കാൻ. മോശമല്ലാത്ത തുടക്കം കിട്ടിയിട്ടും അഹമ്മദാബാദിൽ ആടിയുലഞ്ഞ കപ്പലായിരുന്നു ഇംഗ്ലീഷ് സംഘം. ജോ റൂട്ടിന്റെയും ജോസ് ബട്ലറുടെയും മികവില്ലായിരുന്നുവെങ്കിൽ കയ്പേറിയേനെ ചാംപ്യൻ ടീമിന്റെ ആദ്യ മത്സരം.

🔸Career-best individual scores
🔸An unbeaten 273-run stand

Rachin Ravindra and Devon Conway were in top form in the #CWC23 opener 🔥#ENGvNZ pic.twitter.com/BJlEmcmstl

— ICC (@ICC) October 5, 2023

77 റൺസെടുത്ത റൂട്ടും 43 റൺസെടുത്ത ബട്ലറും പിൻവാങ്ങിയതോടെ വമ്പനടികൾക്ക് മുതിരാതെ 282 റൺസിലേക്ക് നിരങ്ങിയെത്തുകയായിരുന്നു ഇംഗ്ലണ്ട്. മാറ്റ് ഹെൻ‌റിയുടെ മൂന്ന് വിക്കറ്റിന് മാറ്റേറെ. സെഞ്ചുറിയും വിക്കറ്റും പോക്കറ്റിലാക്കിയ ഇന്ത്യൻ രക്തം രചിനാണ് കളിയിലെ കേമനുള്ള പുരസ്കാരം.