Santosh Trophy| സന്തോഷ് ട്രോഫി ഫൈനല്‍: ശ്രദ്ധിക്കേണ്ട കാര്യങ്ങള്‍ ഇവ

മലപ്പുറം: 75ാമത് സന്തോഷ് ട്രോഫി (Santosh Trophy) ഫുട്‌ബോള്‍ ചാമ്പ്യന്‍ഷിപ്പിന്റെ ഫൈനല്‍ മത്സരങ്ങള്‍ ഇന്ന് നടക്കുകയാണ്. തിങ്കളാഴ്ച രാത്രി എട്ടുമുതല്‍ മഞ്ചേരി പയ്യനാട് സ്റ്റേഡിയത്തിലാണ് ഫൈനല്‍. സ്വന്തംഗ്രൗണ്ടും ആര്‍പ്പുവിളിക്കാന്‍ പതിനായിരങ്ങളും ഇനി സമീപകാലത്തൊന്നും സന്തോഷ് ട്രോഫിയില്‍ കേരളം പ്രതീക്ഷിക്കുന്നില്ല. അതുകൊണ്ടുതന്നെ ജീവന്‍മരണപ്പോരാട്ടം എന്നാണ് മത്സരത്തിനെ കേരള പരിശീലകന്‍ ബിനോ ജോര്‍ജ് വിശേഷിപ്പിക്കുന്നത്. റമസാന്‍നോമ്പ് നോറ്റ് കളികാണാനെത്തിയ കാണികള്‍ക്ക് ജയത്തോടെ പെരുന്നാള്‍സമ്മാനം നല്‍കുമെന്നും അദ്ദേഹം ഉറപ്പിച്ച് പറയുന്നു.