ബ്രസീലിയന്‍ ഫുട്‌ബോള്‍ താരത്തെ തലയറുക്കപ്പെട്ടനിലയില്‍ കണ്ടെത്തി; ജനനേന്ദ്രിയവും ഛേദിക്കപ്പെട്ടു

സംഭവത്തില്‍ ബ്രസീല്‍ പോലീസ് അന്വേഷണം ആരംഭിച്ചിട്ടുണ്ട്. ലോണടിസ്ഥാനത്തില്‍ ബ്രസീലിലെ സെക്കന്‍ഡ് ഡിവിഷന്‍ ക്ലബ്ബായ സാവോ ബെന്റോയില്‍ കളിക്കുകയാണ് ഡാനിയല്‍ കൊറിയ. താരത്തിന്റെ മരണം സംഭവിച്ച് സാവോ പോളോ എഫ്‌സി ട്വീറ്റും ചെയ്തിട്ടുണ്ട്. താരത്തിന്റെ മരണത്തില്‍ ദുഖം രേഖപ്പെടുത്തുന്നതായും കുടുംബത്തിന്റെ വിഷമത്തില്‍ പങ്കുചേരുന്നെന്നുമാണ് സാവോ പോളോ ക്ലബ്ബിന്റെ ട്വീറ്റ്.

താരത്തിന്റെ മരണത്തക്കുറിച്ച് കൂടുതല്‍ വിവരങ്ങളൊന്നും ഇതുവരെയും പുറത്തുവന്നിട്ടില്ല. താരം ക്രൂരതയ്ക്കിരയായിട്ടുണ്ടെന്ന് മാത്രമാണ് പുറത്തുവരുന്ന റിപ്പോര്‍ട്ടുകള്‍. താരത്തിന്റെ ശരീരത്തില്‍ ആഴത്തിലുള്ള മുറിവുകളുണ്ടെന്നും കഴുത്തില്‍ ആഴത്തിലുള്ള രണ്ട് മുറിവുകളുണ്ടെന്നും റിപ്പോര്‍ട്ടുകള്‍ പറയുന്നു.

സാവോ പോളോ ക്ലബ്ബിന്റെ മധ്യനിര താരമാണ് ഡാനിയല്‍ കൊറിയ ഫ്രെയിറ്റസ്. ക്ലബ്ബില്‍ 2015 ലാണ് അറ്റാക്കിങ്ങ് മിഡ്ഫീല്‍ഡറായ താരമെത്തുന്നത്.