'അവന്‍ ഒരു നാള്‍ പുതിയ ബുംറയായി വരട്ടെ'; ജൂനിയർ ബുംറയ്ക്ക് സമ്മാനവുമായി ഷഹീന്‍ അഫ്രീദി

ക്രിക്കറ്റ് മൈതാനത്ത് ഇന്ത്യ-പാക് ടീം പോരാടുന്നതും ഇത് പിന്നീട് കടുത്ത് മത്സരത്തിലേക്ക് നീളുന്നതും പതിവ് കാഴ്ചയാണ്. എന്നാൽ വ്യത്യസ്തമായ ഒരു കാഴ്ചയാണ് കഴിഞ്ഞ ദിവസം കാണാൻ കഴി‍ഞ്ഞത്. മഴ മൂലം ഇന്ത്യ-പാകിസ്താന്‍ പോരാട്ടം നിര്‍ത്തിവെച്ചെങ്കിലും ഹൃദയസ്പര്‍ശിയായ ഒരു വീഡിയോയാണ് അവിടെ നിന്നെത്തുന്നത്. അടുത്തിടെ അച്ഛനായ ജസ്പ്രിത് ബുമ്രയ്ക്ക് ആശംസയറിച്ചെത്തിയ പാക് പേസര്‍ ഷഹീന്‍ അഫ്രീദിയുടെ വീഡിയോയാണ് വൈറലായി മാറിയത്. കുഞ്ഞിന് സമ്മാനവുമായാണ് താരം എത്തിയത്. ഇത് കൈമാറുന്നതും വീഡിയോയിൽ കാണാം.