തനിക്ക് വേണ്ടതൊക്കെ വിരാട് ചെയ്യുന്നുണ്ട്; നമ്മളത് അനുവദിക്കുകയാണ്; രൂക്ഷ വിമര്‍ശനവുമായി മുന്‍ നായകന്‍

'ഇത് തന്നെയാണ് ഞാന് പറയുന്നത് ഒരാള്‍ (കോഹ്‌ലി) അയാള്‍ക്ക് വേണ്ടതൊക്കെ ചെയ്യുന്നുണ്ട്. നമ്മള്‍ അത് അനുവദിച്ച് കൊടുക്കുന്നുമുണ്ട്. കുംബ്ലെ എന്തായിരിക്കും പറഞ്ഞിട്ടുണ്ടാകുക? അത്രയ്ക്ക് സൗമ്യനായാണ് അദ്ദേഹം തന്റെ പദവി രാജിവെച്ചത്' ബേദി പറഞ്ഞു.

കളത്തിലെ കോഹ്‌ലിയെപ്പോലെ അക്രമണോത്സുകതയുള്ള ഒരു താരവും ടീമില്‍ ഇല്ലെന്ന് പറഞ്ഞ ബേദി ഇക്കാര്യത്തില്‍ ടീമും നായകനും തമ്മില്‍ വലിയ അന്തരമുണ്ടെന്നും കൂട്ടിച്ചേര്‍ത്തു. 'കോഹ്‌ലിയെപ്പോലെ അത്രയും അക്രമണോത്സുകതയും തീക്ഷ്ണതയുമുള്ള മറ്റൊരു താരമില്ല. പക്ഷേ കോഹ്‌ലിയുടെ ഈ തീക്ഷ്ണത ടീമിന്റെ മൊത്തം തീക്ഷ്ണതക്കപ്പുറമാണ്. ടീമും കോഹ്‌ലിയും തമ്മില്‍ ഇക്കാര്യത്തില്‍ വലിയ അന്തരമുണ്ട്. ക്യാപ്റ്റനെന്ന നിലയിലും കളിക്കാരനെന്ന നിലയിലും കോഹ്‌ലിയില്‍ വ്യത്യാസം കാണാം' ബേദി പറയുന്നു.