ക്യാപ്​റ്റന്‍സി വിലക്കിന്റെ കാലാവധി കഴിഞ്ഞു; ഓസീസ് നായകനായി സ്​മിത്ത് തിരികെയെത്തുമോ ?

2018ല്‍ ദക്ഷിണാഫ്രിക്കയ്ക്കെതിരെ നടന്ന ടെസ്റ്റ് മത്സരത്തില്‍ പന്തില്‍ കൃത്രിമം കാണിച്ചതിനെ തുടര്‍ന്ന് മുന്‍ ഓസീസ്​ നായകന്‍ സ്റ്റീവ്​ സ്​മിത്തിന്​ ഏര്‍പ്പെടുത്തിയ ക്യാപ്​റ്റന്‍സി വിലക്ക്​ അവസാനിച്ചു. അന്നത്തെ കളിയിൽ ആസ്ട്രേലിയന്‍ നായകനായിരുന്ന സ്റ്റീവ് സ്മിത്തിനെയും സഹതാരവും ഉപനായകനുമായ ഡേവിഡ്​ വാര്‍ണറെയുമാണ്​ ഒരു വര്‍ഷത്തേക്ക് ക്രിക്കറ്റില്‍ നിന്ന് വിലക്കിയത്​.

അതേസമയം ആസ്ട്രേലിയന്‍ ടീമി​​​ന്റെ നായകസ്ഥാനത്ത്​ നിന്നും സ്​മിത്തിന് രണ്ട് വര്‍ഷത്തേക്കായിരുന്നു​ വിലക്കേര്‍പ്പെടുത്തിയത്​. കഴിഞ്ഞ വര്‍ഷം മാര്‍ച്ച്‌ അവസാനത്തോടെ കളിക്കളത്തില്‍ നിന്നുള്ള വിലക്ക് മാറിയ സ്മിത്തിന്‍റെ രണ്ട് വര്‍ഷത്തെ ക്യാപ്റ്റന്‍സി വിലക്കും ഇപ്പോള്‍ അവസാനിച്ചിരിക്കുകയാണ്.

BEST PERFORMING STORIES:കോട്ടയം ജില്ലയില്‍ നിരോധനാജ്ഞ; രാവിലെ ആറുമണി മുതൽ [NEWS]യുഎഇയിൽ ഒരു മരണം കൂടി; കഴിഞ്ഞ ദിവസം രോഗം സ്ഥിരീകരിച്ചത് 102 പേർക്ക് [NEWS]കോവിഡിൻ്റെ മറവിൽ അമിത വില; ഒരാഴ്ചക്കിടെ 7.5 ലക്ഷം രൂപ പിഴ ഈടാക്കി [NEWS]

വിലക്ക് അവസാനിച്ചതോടെ ഇനി എപ്പോള്‍ വേണമെങ്കിലും സ്മിത്തിന് ടീമി​ന്‍റെ നായക സ്ഥാനത്തേക്ക്​ തിരിച്ചെത്താമെങ്കിലും താരം ഏറ്റെടുക്കുമോ എന്നാണ്​ ക്രിക്കറ്റ്​ ലോകം ഉറ്റുനോക്കുന്നത്​. നിലവില്‍ ആരോണ്‍ ഫിഞ്ചാണ്​ ടി20, ഏകദിന ഫോര്‍മാറ്റുകളില്‍ ടീമിനെ നയിക്കുന്നത്​.

ദേശീയ ടീമില്‍ വിലക്ക്​ തുടരുന്ന സമയത്തുതന്നെ ഐ.പി.എല്ലില്‍ രാജസ്ഥാന്‍ റോയല്‍സിനെ സ്മിത്ത് നയിച്ചിരുന്നു. രാജസ്ഥാന്‍ നായകനായിരുന്ന അജിങ്ക്യ രഹാനെ കഴിഞ്ഞ വര്‍ഷം പാതിവഴിയില്‍ നായക സ്ഥാനം ഉപേക്ഷിച്ചതിനെ തുടര്‍ന്നായിരുന്നു സ്മിത്ത് നായകസ്ഥാനം ഏറ്റെടുത്തത്.