World Cup 2023 | ആഫ്രിക്കൻ കരുത്തിന് മുന്നിൽ തകർന്നടിഞ്ഞ് ന്യൂസിലാൻഡ്; 190 റൺസ് ജയത്തോടെ ദക്ഷിണാഫ്രിക്ക ഒന്നാമത്

പൂനെ: ലോകകപ്പിൽ ദക്ഷിണാഫ്രിക്കയുടെ ജൈത്രയാത്ര തുടരുന്നു. കരുത്തരുടെ പോരാട്ടത്തിൽ ന്യൂസിലാൻഡിനെ 190 റൺസിന് തകർത്താണ് ദക്ഷിണാഫ്രിക്കയുടെ മുന്നേറ്റം. ടോസ് നഷ്ടപ്പെട്ട് ആദ്യം ബാറ്റുചെയ്ത ദക്ഷിണാഫ്രിക്ക ഉയർത്തിയ 358 റൺസ് വിജയലക്ഷ്യം തേടി ബാറ്റുചെയ്ത ന്യൂസിലാൻഡ് ഇന്നിംഗ്സ് 35.3 ഓവറിൽ 167 റൺസിൽ അവസാനിച്ചു. നാല് വിക്കറ്റെടുത്ത കേശവ് മഹാരാജും മൂന്നു വിക്കറ്റെടുത്ത മാർക്കോ യാൻസനും ചേർന്നാണ് ന്യൂസിലാൻഡിനെ തകർത്തത്. 60 റൺസെടുത്ത ഗ്ലെൻ ഫിലിപ്സാണ് ന്യൂസിലാൻഡിന്‍റെ ടോപ് സ്കോറർ. ദക്ഷിണാഫ്രിക്കയ്ക്കുവേണ്ടി സെഞ്ച്വറി നേടിയ റസ്സി വാൻഡർ ഡസ്സനാണ് കളിയിലെ താരം