UNION BUDGET 2019: സഞ്ചാരികളേ ഇതിലേ, ഇന്ത്യയിൽ എവിടെയും സഞ്ചരിക്കാൻ ഏകീകൃത ട്രാൻസ്പോർട്ട് കാർഡ്

ന്യൂഡൽഹി: നാഷണൽ കോമൺ മൊബിലിറ്റി പ്ലാനിന്‍റെ ഭാഗമായി ദേശീയതലത്തിൽ ഏകീകൃത ട്രാൻസ്പോർട്ട് കാർഡ് തുടങ്ങുമെന്ന് കേന്ദ്ര ധനകാര്യമന്ത്രി നിർമല സിതാരാമൻ. ഇന്നത്തെ ബജറ്റിലാണ് ധനമന്ത്രി സുപ്രധാനമായ ഈ പ്രഖ്യാപനം നടത്തിയത്. ഏകീകൃത ട്രാൻസ്പോർട്ട് കാർഡിലൂടെ രാജ്യത്തെവിടെയുമുള്ള റെയിൽവേ, റോഡ് ഗതാഗത സൗകര്യങ്ങൾ ഉപയോഗപ്പെടുത്താൻ കഴിയും. ദിവസേന ഈ സൗകര്യങ്ങൾ ഉപയോഗിച്ച് യാത്ര ചെയ്യുന്നവർക്ക് ഇത് ഉപയോഗപ്പെടുത്താൻ കഴിയും.