ബുള്ളറ്റിൽ ഹൈറേഞ്ച് സാഹസിക യാത്രക്ക് ഒരുങ്ങി വനിതാ റൈഡർമാർ
Last Updated:
ഉരുളൻ കല്ലുകളും ചെങ്കുത്തായ കയറ്റങ്ങളും നിറഞ്ഞ ഇടുക്കി ജില്ലയിലെ പാൽകുളമേട്ടിലേക്കാണ് യാത്ര.
അപകടം പതിയിരിക്കുന്ന ഓഫ് റോഡിലൂടെ ആദ്യമായാണ് വനിതകൾ യാത്രയ്ക്ക് ഒരുങ്ങുന്നത്. പാൽകുളമേട്ടിലേക്ക് ബുള്ളറ്റിൽ ഓഫ് റോഡ് റെയ്ഡ് നടത്തുന്ന ആദ്യവനിതകളാണ് ആൻഫിയും മേഴ്സിയും.
ട്രക്കിങ് ഇഷ്ടപ്പെടുന്നവരുടെ ഏറ്റവും പ്രിയപ്പെട്ട സ്ഥലം. ഓഫ് റോഡ് ഇഷ്ടപ്പെടുന്നവർ പാൽക്കുളമേട് തിരഞ്ഞെടുക്കാറുണ്ടെങ്കിലും പൂർത്തിയാക്കുന്നവർ അപൂർവം. ഇരുപതുകാരിയായ ആൻഫി മരിയ ബേബിയും 46 കാരിയായ മേഴ്സി യും യാത്രക്കിടയിൽ പരിചയപ്പെട്ടവരാണ്. പിന്നീട് പല യാത്രകളിലും പങ്കാളികളായി.
പതിനെട്ടാമത്തെ വയസിൽ ഹിമാലയൻ യാത്ര പൂർത്തിയാക്കി എത്തിയ ആൻഫി ബുള്ളറ്റ് യാത്ര ഇഷ്ടപ്പെടുന്ന പെൺകുട്ടികൾക്കായി ആൻഫി റോയൽ ട്യൂൺ റൈഡേഴ്സ് എന്ന ഗ്രൂപ്പും ആരംഭിച്ചിട്ടുണ്ട്. 18 മുതൽ 60 വയസു വരെയുള്ള യാത്രയെ സ്നേഹിക്കുന്ന സ്ത്രീകൾ ഈ കൂട്ടായ്മയുടെ ഭാഗമാണ്.
advertisement
സാഹസികയാത്രകൾ മനസ്സിന് കൂടുതൽ കരുത്തു പകരുന്നു എന്നാണ് ഈ കൊച്ചിക്കാരിയുടെ പക്ഷം.
Location :
First Published :
January 17, 2020 9:46 PM IST
