കാട്ടുനായക്കൂട്ടം ആക്രമിച്ച യുവതി രക്ഷപ്പെടാൻ കടലിൽ ചാടി; എയർലിഫ്റ്റ് ചെയ്ത് രക്ഷപ്പെടുത്തി

സിഡ്നി: കാട്ടുനായക്കൂട്ടത്തിന്‍റെ ആക്രമണത്തിൽനിന്ന് രക്ഷപ്പെടാനായി കടലിൽ ചാടിയ യുവതിയെ എയർലിഫ്റ്റ് ചെയ്ത് രക്ഷപ്പെടുത്തി. ഓസ്ട്രേലിയയിലെ ക്വീൻസ്‌ലാന്റിലെ കെഗാരിയിലാണ് സംഭവം. രാവിലെ ജോഗിങ്ങിനിടെയാണ് യുവതിയെ ഡിങ്കോകൾ എന്ന കാട്ടുനായക്കൂട്ടം ആക്രമിച്ചത്. ഇതിൽനിന്ന് രക്ഷപ്പെടാനായി സമീപത്തെ കടലിലേക്ക് എടുത്തുചാടുകയായിരുന്നു. എന്നാൽ ബീച്ചിൽ ഉണ്ടായിരുന്നവർ ഉടൻ തന്നെ റെസ്ക്യൂ സർവീസിൽ വിവരം അറിയിക്കുകയും യുവതിയെ ഹെലികോപ്ടറിൽ എയർ ലിഫ്റ്റ് ചെയ്തു ആശുപത്രിയിൽ എത്തിക്കുകയായിരുന്നു. കാട്ടുനായക്കൂട്ടത്തിന്‍റെ കടിയേറ്റ യുവതിയെ ഹെർവി ബേ ആശുപത്രിയിലാണ് പ്രവേശിപ്പിച്ചിട്ടുള്ളത്.