കാമുകനെ 'മച്ബുസ്' ആക്കി; വ്യാജ വാർത്തയെന്ന് പൊലീസ്

കുറ്റകൃത്യം നടന്നിട്ടുണ്ട് എന്നതുള്ളത് സത്യമാണ്. അൽ ഐനിലാണ് സംഭവം നടന്നത്. എന്നാൽ, സാമൂഹ്യമാധ്യമങ്ങളിൽ പ്രചരിച്ച രീതിയിലുള്ള സംഭവങ്ങൾ ഒന്നും നടന്നിട്ടില്ല. സാമൂഹ്യമാധ്യമങ്ങളിലൂടെ പ്രചരിക്കുന്ന വ്യാജവാർത്തകൾ സത്യമാണോ അല്ലയോയെന്ന് പൊതുജനങ്ങളും മാധ്യമങ്ങളും ഉറപ്പു വരുത്തണമെന്നും അബുദാബി പൊലീസ് പറഞ്ഞു. ഇത്തരത്തിൽ വ്യാജവാർത്തകൾ പ്രചരിപ്പിക്കുന്നവർക്ക് എതിരെ നടപടി സ്വീകരിക്കുമെന്നും അബുദാബി പൊലീസ് പറഞ്ഞു.

കാമുകനെ കൊലപ്പെടുത്തിയതിനു ശേഷം മൃതദേഹം ചെറുകഷണങ്ങളാക്കി മൊറോക്കോ സ്വദേശിനിയായ യുവതി അറേബ്യന്‍ വിഭവമായ മച്ബൂസ് ഉണ്ടാക്കിയെന്ന് ആയിരുന്നു വാർത്ത. കാമുകന്റെ മാംസം ഉപയോഗിച്ചുണ്ടാക്കിയ ബിരിയാണി പോലുള്ള മച്ബൂസ് വീടിനു സമീപം താമസിച്ചിരുന്ന നിര്‍മ്മാണത്തൊഴിലാളികൾക്ക് ഇവര്‍ കഴിക്കാന്‍ നല്‍കിയെന്നും മൃതദേഹത്തിന്‍റെ ബാക്കിയായ അവശിഷ്ടങ്ങള്‍ തെരുവ് നായ്ക്കള്‍ക്ക് ഭക്ഷണമായി നല്‍കുകയും ചെയ്തെന്നുമായിരുന്നു വാർത്ത.