കോവിഡ് രോഗികളെ ഗ്വാണ്ടനാമോ തടവറയിലേക്ക് അയക്കാൻ ട്രംപ് പദ്ധതിയിട്ടിരുന്നുവെന്ന് വെളിപ്പെടുത്തൽ

അമേരിക്കയിൽ കൊറോണ വൈറസ് പടരുന്നതിനെക്കുറിച്ച് മുൻ പ്രസിഡന്റ് ഡൊണാൾഡ് ട്രംപ് നടത്തിയ പ്രതികരണങ്ങൾ പ്രതിപക്ഷത്തിന്റെയും മാധ്യമങ്ങളുടെയും ആരോഗ്യവിദഗ്ധരുടെയും കടുത്ത വിമർശനത്തിന് കാരണമാക്കിയിരുന്നു. അതുകൊണ്ടാണ് മുൻ റിപ്പബ്ലിക്കൻ പാർട്ടി നേതാവ് സ്വന്തം താൽപര്യപ്രകാരം പ്രവർത്തിക്കുന്നത് തടയാൻ അദ്ദേഹത്തിന്റെ സഹായികൾ പരമാവധി ശ്രമിച്ചത്. യു എസ് ദേശീയ ഇൻസ്റ്റിറ്റ്യൂട്ടിലെ അലർജി, സാംക്രമിക രോഗ വിഭാഗത്തിന്റെ ഡയറക്ടറും പ്രസിഡന്റിന്റെ മുഖ്യ മെഡിക്കൽ ഉപദേഷ്ടാവുമായ ഡോ. ആന്റണി ഫൗസിയുമായി അദ്ദേഹം പല അവസരങ്ങളിലും വാഗ്വാദത്തിൽ ഏർപ്പെടുകയും ചെയ്തിട്ടുണ്ട്. അമേരിക്കൻ സംസ്ഥാനങ്ങൾ ഭയാനകമായ ഒരു മഹാമാരി തരംഗത്തിന് സാക്ഷ്യം വഹിക്കുന്നതിന് നിമിഷങ്ങൾക്ക് മുമ്പ്, കോവിഡ് രോഗബാധിതരായ അമേരിക്കക്കാരെ വിദേശത്തുള്ള ഗ്വാണ്ടനാമോ ബേ ജയിൽ ദ്വീപിലേക്ക് അയയ്ക്കാൻ ട്രംപ് ആഗ്രഹിച്ചിരുന്നു എന്നതാണ് ഏറ്റവും പുതിയ വെളിപ്പെടുത്തൽ.