മാലിയിൽ ഫ്രഞ്ച് വ്യോമാക്രമണം; അൽ ഖ്വയിദാ ബന്ധമുള്ള അമ്പതിലേറെ ഭീകരവാദികൾ കൊല്ലപ്പെട്ടു

ആക്രമണത്തിൽ ഇയാദ് അഗ് ഘാലി നേതൃത്വം നൽകുന്ന അൻസാറുൽ ഇസ്ലാം ഗ്രൂപ്പിന് കനത്ത നഷ്ടം നേരിട്ടതായും ഫ്രഞ്ച് പ്രതിരോധമന്ത്രി പറഞ്ഞു. ഭീകരവാദികൾ പ്രദേശത്തെ ആക്രമിക്കാൻ പദ്ധതിയിട്ടിരുന്നുവെന്നാണ് റിപ്പോർട്ട്. ഇസ്ലാമിക് സ്റ്റേറ്റ് ഭീകരരുടെ ഗ്രേറ്റർ സഹാറയിലെ കേന്ദ്രങ്ങളെ ലക്ഷ്യമിട്ട് മറ്റൊരു ആക്രമണ പദ്ധതിക്ക് ഫ്രാൻസ് ഒരുങ്ങുന്നതായും മാധ്യമങ്ങൾ റിപ്പോർട്ട് ചെയ്യുന്നു. മാലിയിലെ സമാധാന ദൗത്യത്തിനായി ഐക്യരാഷ്ട്ര സഭയുടെ 13,000 സൈനികരെ വിന്യസിച്ചിട്ടുണ്ട്. സഹേൽ മേഖലയിൽ ഫ്രാൻസിന്റെ 5100 സൈനികരെയാണ് നിയോഗിച്ചിട്ടുള്ളത്.