'ഞങ്ങൾ നിങ്ങളെ ഞെട്ടിക്കും, കാത്തിരിക്കുക'- അണ്വായുധഭീഷണിയുമായി പാകിസ്താൻ
Last Updated:
പാകിസ്താന്റെ പ്രതികരണം തികച്ചും വ്യത്യസ്തമായിരിക്കും- പത്രസമ്മേളനത്തിൽ ഗഫൂർ പറഞ്ഞു
ന്യൂഡൽഹി: ഇന്ത്യയ്ക്കെതിരെ അണ്വായുധ ഭീഷണിയുമായി പാകിസ്താൻ. പാക് മിലിട്ടറി മീഡിയ വിഭാഗത്തിന്റെ തലവൻ മേജർ ജനറൽ ആസിഫ് ഗഫൂറാണ് ഇന്ത്യയ്ക്കെതിരെ അണ്വായുധ ഭീഷണി മുഴക്കിയത്. ഇസ്ലാമാബാദിലെ അണ്വായുധ സമിതിയുടെ നിയന്ത്രണമുള്ള നാഷണൽ കമാൻഡ് അതോറിറ്റി യോഗം ചേരുമെന്ന് ആസിഫ് ഗഫൂർ വെളിപ്പെടുത്തി. ഞങ്ങൾ നിങ്ങളെ ഞെട്ടിക്കും, അതിനായി കാത്തിരിക്കൂ. പാകിസ്താന്റെ പ്രതികരണം തികച്ചും വ്യത്യസ്തമായിരിക്കും- പത്രസമ്മേളനത്തിൽ ഗഫൂർ പറഞ്ഞു.
പാകിസ്താൻ പാർലമെന്റിന്റെ സംയുക്ത സമ്മേളനത്തിന് നാളെ തുടക്കമാകും. അതിനുശേഷമാകും നാഷണൽ കമാൻഡ് അതോറിറ്റി യോഗം പ്രധാനമന്ത്രി ഇമ്രാൻഖാൻ വിളിച്ചുചേർക്കുക. എൻ.സി.എ എന്താണെന്നും, അവർ എന്തിനാണ് പ്രവർത്തിക്കുന്നതെന്നും നിങ്ങൾക്ക്(മാധ്യമങ്ങൾക്ക്) അറിയാമെന്ന് തോന്നുന്നു- ഗഫൂർ പറഞ്ഞു. പാകിസ്താൻ അണ്വായുധം പ്രയോഗിക്കുന്നത് സംബന്ധിച്ച തീരുമാനം കൈക്കൊള്ളുന്നത് നാഷണൽ കമാൻഡ് അതോറിറ്റിയാണ്.
advertisement
പാകിസ്താൻ ദേശീയ സുരക്ഷാ കൌൺസിലിന്റെ നിർദ്ദേശപ്രകാരം 2000ലാണ് എൻ.സി.എ രൂപീകരിച്ചത്. പർവേസ് മുഷാറഫ് ആയിരുന്നു എൻ.സി.എയുടെ ആദ്യ തലവൻ. ആണവവിഷയവുമായി ബന്ധപ്പെട്ട എല്ലാ കാര്യങ്ങളുടെയും ഉത്തരവാദിത്വം എൻ.സി.എയ്ക്ക് ആയിരിക്കും.
Click here to add News18 as your preferred news source on Google. ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ലോക വാർത്തകൾക്കായി News18 മലയാളത്തിനൊപ്പം വരൂ
Location :
First Published :
Feb 26, 2019 10:03 PM IST
മലയാളം വാർത്തകൾ/ വാർത്ത/World/
'ഞങ്ങൾ നിങ്ങളെ ഞെട്ടിക്കും, കാത്തിരിക്കുക'- അണ്വായുധഭീഷണിയുമായി പാകിസ്താൻ
