'ഭീകരതയുടെ വേരറുക്കാൻ ഇസ്ലാമിക രാജ്യങ്ങൾ ഒരുമിച്ചുനിൽക്കണമെന്ന് സുഷമ സ്വരാജ്

Last Updated:Mar 01, 2019 1:52 PM IST

ഭീകരതയ്ക്കെതിരായ പോരാട്ടം ഏതെങ്കിലുമൊരു മതത്തിനെതിരായുള്ളതല്ലെന്നും സുഷമ

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

ദുബായ്: പേരെടുത്ത് പറയാതെ പാക്കിസ്താനെ രൂക്ഷമായി വിമർശിച്ച് ഇസ്ലാമിക് രാഷ്ട്രങ്ങളുടെ സമ്മേളനത്തിൽ വിദേശകാര്യ മന്ത്രി സുഷമാ സ്വരാജ്. ഭീകരതയുടെ വേരറുക്കാൻ ഇസ്ലാമിക രാജ്യങ്ങൾ ഒരുമിച്ചു നിൽക്കണം. ഭീകരവാദികൾക്ക് സാമ്പത്തിക സഹായം ലഭിക്കുന്നത് അവസാനിക്കണം. അവരെ സഹായിക്കുന്നവരെ ഒറ്റപ്പെടുത്തണമെന്നും മന്ത്രി പറഞ്ഞു.

'ഇസ്ലാം സമാധാനത്തിന്‍റെ മതം'

ഇസ്ലാം എന്നത് സമാധാനത്തിന്‍റെ മതമാണെന്ന് സുഷമ സ്വരാജ് പറഞ്ഞു. എല്ലാ മതങ്ങളും സമാധാനത്തിനുവേണ്ടിയാണ് നിലകൊള്ളുന്നത്. ഭീകരതയ്ക്കെതിരായ പോരാട്ടം ഏതെങ്കിലുമൊരു മതത്തിനെതിരായുള്ളതല്ലെന്നും സുഷമ സ്വരാജ് പറഞ്ഞു.

'പാകിസ്ഥാൻ നിങ്ങളുടെ ശത്രുവല്ല; ഇരുരാജ്യങ്ങളും പോരാടുന്നത് ഒരേ ശത്രുവിനെതിരെ': വസിം അക്രം

റിഗ്വേദത്തിലെ വരികൾ ഉദ്ധരിച്ച് സുഷമ

ഒഐസി സമ്മേളനത്തിൽ റിഗ്വേദത്തിലെ വരികൾ ഉദ്ധരിച്ച് കേന്ദ്രമന്ത്രി സുഷമ സ്വരാജ്. 'ഏകം സാത്ത് വിപ്ര ബഹുദ്ധ വദാന്തി'- ദൈവം ഒന്നാണ്. പക്ഷേ അതേക്കുറിച്ച് പഠിച്ചവർ, പലതരത്തിലാണ് ദൈവത്തെ വിവരിക്കുന്നത്.

നന്ദി പറഞ്ഞ് സുഷമ

ഭീകരർക്കെതിരായ നടപടികളിൽ ഒപ്പം നിന്ന ഇസ്ലാമിക രാജ്യങ്ങൾക്ക് സുഷമാ സ്വരാജ് സമ്മേളനത്തിൽ നന്ദി രേഖപ്പെടുത്തി.