Prithviraj | 'പൃഥ്വിരാജിനെ ഒന്ന് ഉഴിഞ്ഞിടണമല്ലോ'; പൃഥ്വിയുടെ ബുദ്ധിശക്തി നേരിൽക്കണ്ടറിഞ്ഞ അൽഫോൺസ് പുത്രന്റെ സാക്ഷ്യം

വിജയമാവുകയോ, അതുമല്ലെങ്കിൽ, മികച്ച അഭിപ്രായം നേടുകയോ ചെയ്യാതെ പോയ ചിത്രമാണ് അൽഫോൺസ് പുത്രൻ സംവിധാനം ചെയ്ത 'ഗോൾഡ്'. പൃഥ്വിരാജ് (Prithviraj), നയൻ‌താര എന്നിവരുടെ സാന്നിധ്യം പോലും സിനിമയ്ക്ക് കാര്യമായ നേട്ടമുണ്ടാക്കാൻ ഉപകരിച്ചില്ല. എന്നാൽ ഈ സിനിമയുടെ ഭാഗമായ പൃഥ്വിരാജ് ഷൂട്ടിംഗ് സമയത്തു നടത്തിയ ശ്രമങ്ങൾ വളരെ വലുതാണ്

അതിനു സാക്ഷ്യം മറ്റാരുമല്ല, സംവിധായകൻ അൽഫോൺസ് പുത്രൻ തന്നെ. ഡയലോഗുകൾ പഠിക്കാൻ പൃഥ്വിരാജ് അത്രയേറെ മിടുക്കനാണ്. ഒരു ഫോട്ടോസ്റ്റാറ് മെഷീൻ പോലെയാണ് പൃഥ്വിരാജ് എന്ന് അൽഫോൺസ്. അൽഫോൺസ് ഇക്കാര്യം വിശദീകരിച്ചു തന്നെ പറയുന്നത് കേൾക്കാം (തുടർന്ന് വായിക്കുക)

അഭിനയിക്കുന്ന വേളയിൽ തന്നെ ഏകദേശം ആറോളം അഭിനേതാക്കളുടെ ഡയലോഗുകൾ അദ്ദേഹം തിരുത്താറുണ്ടത്രേ. പൃഥ്വിരാജ് ഉടനെ ഹോളിവുഡിൽ എത്തും എന്നും അൽഫോൺസ്

ഹിന്ദി, തമിഴ് സിനിമകൾക്ക് അദ്ദേഹത്തിന്റെ ശക്തിയറിയാം. രാജുവിന്റെ മൊഴി, കാണാ കണ്ടേൻ, ഇന്ത്യൻ റുപ്പീ, നന്ദനം, ക്ലാസ്സ്മേറ്റ്സ് തുടങ്ങിയ സിനിമകൾ തനിക്ക് പ്രിയപ്പെട്ടതാണെന്ന് അൽഫോൺസ് പറയുന്നു

എന്നാൽ ഇത്രയും കേട്ടതും ഒരു ആരാധിക കമന്റിൽ എത്തിച്ചേർന്നു. പൃഥ്വിരാജിനെ 'ഒന്ന് ഉഴിഞ്ഞിടേണ്ടി വരും' എന്ന് അവർ. പൃഥ്വിക്ക് കണ്ണേറ് കൊണ്ടു എന്ന മട്ടിലാണ് കക്ഷി

'ഉഴിഞ്ഞിട്ടോളൂ' എന്ന് അൽഫോൺസ് മറുപടിയും നൽകി

'ഗോൾഡ്' സിനിമയിൽ കണ്ട പൃഥ്വിരാജിന്റേയും അച്ഛൻ സുകുമാരന്റെയും ഒരു പഴയകാല ചിത്രം