ഇത് കൊള്ളാല്ലോ...! നാഗ ചൈതന്യയുടേയും ശോഭിത ധുലിപാലയുടെ ചിത്രങ്ങൾക്ക് കമന്റുമായി ഇന്ദ്രജിത്ത്

സിനിമാ താരങ്ങളായ നാഗ ചൈതന്യയും ശോഭിത ധുലിപാലയുടെ വിവാഹ നിശ്ചയം കഴിഞ്ഞ വാർത്തയാണ് ഇപ്പോൾ സോഷ്യൽ മീഡിയ ആഘോഷമാക്കുന്നത്. കുറച്ച് നാളുകളായി ഇരുവരും തമ്മിൽ ഡേറ്റിങ്ങിലാണെന്ന തരത്തിൽ വാർത്തകള്‍ പരന്നിരുന്നു.

കഴിഞ്ഞ ദിവസത്തോടെ ഈ ഗോസിപ്പുകൾക്കാണ് വിരാമമായിരിക്കുന്നത്. ഹെെദരാബാദിലെ നാഗചൈതന്യയുടെ വസതിയിൽ വെച്ചായിരുന്നു വിവാഹനിശ്ചയം നടന്നത്.

നടന്റെ പിതാവ് നാഗാർജുന അക്കിനേനിയാണ് താരങ്ങളുടെ വിവാഹ നിശ്ചയ വാർത്ത ഔദ്യോഗികമായി എക്സ് പോസ്റ്റിലൂടെ ആരാധകരെ അറിയിച്ചത്.

സമാന്തയെ പിരിഞ്ഞ് ശോഭിതയെ വിവാഹം കഴിക്കാനൊരുങ്ങുന്ന നാഗചൈതന്യയുടെ തീരുമാനത്തിൽ ഒരുപറ്റം ആരാധകരെ ചൊടിപ്പിച്ചിരിക്കുകയാണ്.

ഇരുതാരങ്ങളുടേയും വിവാഹനിശ്ചയ ചിത്രങ്ങൾക്ക് താഴെ വളരെ മോശമായി വിധത്തിലാണ് ആളുകളുടെ കമ്മന്റുകൾ വന്നു നിറയുന്നത്. ഇങ്ങനെ തരംതാഴരുത്, നി മുന്നോട്ട് സന്തോഷത്തോടെ ജീവിക്കില്ല,

സമാന്തയുടെ സ്ഥാനത്ത് ശോഭിതയെ കാണാനാകില്ല, നിങ്ങൾക്ക് ഒരിക്കലും സമാന്തയാകാൻ കഴിയില്ല, നാഗചൈതന്യയുടെ കുടുംബം ശോഭിത തകർത്തു എന്നിങ്ങനെ നെഗറ്റീവ് കമ്മന്റുകള്‍ എത്തുകയാണ്.

അതേസമയം ഈ വിവാഹ വാർത്തയെ പോസിറ്റീവ് ആയി സമീപിക്കുന്നവരും ഉണ്ട്. വളരെ നല്ല തീരുമാനമെന്ന താരത്തിൽ പലരും ആശംസകളും അറിയിക്കുന്നു.

കഴിഞ്ഞ ദിവസം ശോഭിത തന്റെ സോഷ്യൽ മീഡിയ അക്കൗണ്ടിലൂടെ വിവാഹ നിശ്ചയ ചിത്രങ്ങൾ പങ്കുവെച്ചപ്പോൾ അതിന് താഴെ കമന്റുമായി എത്തിയിരിക്കുകയാണ് മലയാളികളുടെ പ്രിയ നടൻ ഇന്ദ്രജിത്ത് സുകുമാരന്‍.

ഫോട്ടോകൾക്ക് ഒരു ലൗ ഇമോജിയാണ് താരം നൽകിയത്. നടന്റെ ഈ കമന്റിനും പലരും എത്തുന്നുണ്ട്. അനാവശ്യ പ്രോത്സാഹനം, നിങ്ങളൊരു പാമ്പിനെയാണ് പിന്തുണയ്ക്കുന്നത് എന്നിങ്ങനെ പോകുന്നു കമ്മന്റുകൾ.