നാട്ടിൽ നിന്നാൽ ഗർഭിണിയെന്നറിയും; താരദമ്പതികൾ ലണ്ടനിൽ കുഞ്ഞിന് ജന്മം നൽകാൻ തീരുമാനിച്ചുവെന്ന് റിപ്പോർട്ട്

രാജ്യത്തിന് പുറത്ത് കുഞ്ഞുങ്ങൾക്ക് ജന്മം നൽകാൻ ആഗ്രഹിക്കുന്ന താരദമ്പതികളുടെ എണ്ണം കൂടുന്നു. നടി അനുഷ്ക ശർമ്മയും ക്രിക്കറ്റ് താരം വിരാട് കോഹ്‌ലിയും അവരുടെ ഇളയ കുഞ്ഞിനെ സ്വീകരിച്ചത് വിദേശത്തായിരുന്നു. ഇവർക്ക് പിന്നാലെ മറ്റൊരു താരവും ഭർത്താവും ലണ്ടനിൽ ആദ്യത്തെ കൺമണിയെ സ്വീകരിക്കാൻ വിമാനത്തിൽ കടൽകടന്നു എന്നാണ് ഇപ്പോൾ ലഭ്യമായ വിവരം

ഭാര്യയുടെ കയ്യുംപിടിച്ച് ലണ്ടൻ നഗരത്തിലെ തെരുവുകളിലൂടെ നടന്നുനീങ്ങുന്ന നടന്റെയും നടിയുടെയും വീഡിയോ ദൃശ്യം സോഷ്യൽ മീഡിയയിൽ വൈറലായി മാറിക്കഴിഞ്ഞു. ഇവരുടെ വിവാഹം കഴിഞ്ഞ് രണ്ടരവർഷം പിന്നിട്ടിരിക്കുന്നു (തുടർന്ന് വായിക്കുക)

നടി കത്രീന കൈഫ് ഗർഭിണിയെന്ന റിപ്പോട്ടുകൾ പ്രചരിക്കാൻ ആരംഭിച്ചിട്ട് കുറച്ചുനാളായി. ഗർഭകാലം നാട്ടിൽ ചിലവിട്ടാൽ, മാധ്യമശ്രദ്ധയിൽ നിന്നും അകന്നു ജീവിക്കാൻ എങ്ങനെയായാലും ബുദ്ധിമുട്ടുണ്ടാകും. അതിനാൽ ദമ്പതികൾ പ്രസവം ലണ്ടനിൽ തീരുമാനിച്ചു എന്നാണ് വിവരം

ഇവരുമായി അടുപ്പമുള്ള ഉറവിടം നൽകുന്ന സൂചന പ്രകാരം കത്രീന ഗർഭിണിയാണെന്നും, വിക്കി കൗശൽ ഭാര്യയുടെ ഒപ്പമുണ്ടെന്നും, ആദ്യത്തെ കുഞ്ഞിനെ ലണ്ടനിൽ വച്ചാകും പ്രസവിക്കുക എന്നും വിവരമുണ്ട്

നിലവിൽ സോഷ്യൽ മീഡിയയിൽ പ്രചരിക്കുന്ന വീഡിയോയിൽ കത്രീന വയർ കാണാത്ത വിധം ഒരു വലിയ ട്രെഞ്ച്കോട്ട് ധരിച്ചിരിക്കുന്നു. 2021ലായിരുന്നു ഇവരുടെ വിവാഹം

കത്രീന കൈഫ് ഇപ്പോൾ ഭർത്താവ് വിക്കി കൗശലിനൊപ്പം ലണ്ടനിൽ വച്ച് ഈ ആഴ്ചയുടെ തുടക്കത്തിൽ അദ്ദേഹത്തിൻ്റെ ജന്മദിനം ആഘോഷിച്ചു. വിക്കിയുടെ പിറന്നാൾ ദിനത്തിൽ കത്രീന തൻ്റെ കാൻഡിഡ് ചിത്രങ്ങളും പങ്കുവെച്ചിരുന്നു

ഫോട്ടോകളിലൊന്നിൽ വിക്കിയുടെ ജന്മദിനത്തിൽ കത്രീനയ്‌ക്കൊപ്പമുള്ള അത്താഴത്തിൻ്റെ ഒരു കാഴ്ചയും കാണാമായിരുന്നു. കേക്കിലെ മെഴുകുതിരി ഊതുമ്പോൾ താരം പുഞ്ചിരിക്കുന്നുണ്ടായിരുന്നു