Mohanlal | ലാലേട്ടന്റെ പിറന്നാളിന് അപ്പു മലയിറങ്ങി വന്നോ? മോഹൻലാലിൻറെ ജന്മദിനാഘോഷത്തിന് കൂടെ ആരെല്ലാം?

നടൻ മോഹൻലാലിന്റെ (Mohanlal) 64-ാം ജന്മദിനം ആഘോഷമാക്കിയതിന്റെ ക്ഷീണം അദ്ദേഹത്തിന്റെ ആരാധകർക്ക് ഇനിയും മാറിയിട്ടുണ്ടാവില്ല. മലയാളികൾക്ക് സ്പൈഡർമാനെയും സൂപ്പർമാനേയും ബാറ്റ്മാനേയുംകാളുമെല്ലാം വലിയ സൂപ്പർഹീറോ അവരുടെ മോഹൻലാൽ അഥവാ ലാലേട്ടനാണ്. ഫാൻസ്‌ അസോസിയേഷനും അതിനു പുറത്തുള്ള ആരാധകരുമെല്ലാം ആഘോഷത്തിമിർപ്പിലായിരുന്നു

ജിം ട്രയിനിങ് ലുക്കിൽ ഇരിക്കുന്ന മോഹൻലാലിന്റെ (Mohanlal) ചിത്രം പതിപ്പിച്ച കേക്ക് ആണ് വീട്ടിലെ ആഘോഷത്തിൽ അദ്ദേഹം മുറിച്ചത്. കേക്കിന്റെ ഒരു കഷ്ണം മോഹൻലാലിന്റെ വായിലേക്ക് വച്ചുകൊടുക്കുന്ന സുചിത്രയെ ഈ ചിത്രത്തിൽ കാണാം. മകൻ അപ്പു എന്ന പ്രണവ് മോഹൻലാലും മകൾ വിസ്മയയും എവിടെ? (തുടർന്ന് വായിക്കുക)

സുചിത്രയെ കൂടാതെ സന്തത സഹചാരിയായ സമീർ ഹംസയാണ് ചിത്രത്തിലെ മറ്റൊരാൾ. വേറെ ചിലരെയും സമൂഹ മാധ്യമങ്ങളിൽ പ്രചരിക്കുന്ന ചിത്രങ്ങളിൽ കാണാം. എന്തായാലും പ്രണവ് കുന്നും മലയും താണ്ടിയുള്ള യാത്ര ഒഴിവാക്കി നാട്ടിലെത്തിയിട്ടില്ല

പ്രണവ് ഏറ്റവും അടുത്തായി മേഘാലയയിൽ നിന്നുള്ള വെള്ളച്ചാട്ടത്തിന്റെ ചിത്രം സോഷ്യൽ മീഡിയയിൽ പോസ്റ്റ് ചെയ്തിരുന്നു. ഇതിന്റെ താഴെ കാണാം ആരാധകർ പ്രണവിനായി വച്ച ട്രോളുകൾ; 'ഡാഡിടെ പിറന്നാളാടെ, വീട്ടിൽ ചെല്ലാൻ നോക്ക് ബ്രോ' എന്നൊരാൾ രേഖപ്പെടുത്തിയിട്ടുണ്ട്

ഓരോ സിനിമ കഴിയുംതോറും നാടുവിടുന്ന സ്വഭാവക്കാരനാണ് പ്രണവ്. പ്രണവ് മോഹൻലാലിന്റെ ഒരു അഭിമുഖം പോലും എങ്ങും ലഭ്യമല്ല. ഏറ്റവും പുതിയ ചിത്രം 'വർഷങ്ങൾക്ക് ശേഷം' റിലീസ് ചെയ്തതില്പിന്നെയും ഇതുതന്നെയാണ് സ്ഥിതിവിശേഷം

ബോക്സ് ഓഫീസിൽ മികച്ച കളക്ഷനും, അതിനു പുറത്ത് പ്രേക്ഷകർ നല്ല രീതിയിൽ പ്രതികരണം അറിയിക്കുകയും ചെയ്ത ചിത്രമാണ് 'വർഷങ്ങൾക്ക് ശേഷം'. പ്രണവ് മോഹൻലാൽ, ധ്യാൻ ശ്രീനിവാസൻ എന്നിവരാണ് പ്രധാനവേഷങ്ങൾ കൈകാര്യം ചെയ്തത്

മോഹൻലാലിന്റെ ജന്മദിനത്തിൽ മകൾ വിസ്മയ മോഹൻലാൽ പോസ്റ്റ് ചെയ്ത ചിത്രം. ഹാപ്പി ബർത്ത്ഡേ അച്ഛാ എന്ന് വിസ്മയ ക്യാപ്‌ഷനിൽ കുറിച്ചു