Nayanthara | ഹിന്ദിയിലെ അഭിനയത്തിനും മികച്ച നടിക്കുള്ള അവാർഡ്; ദാദ സാഹെബ് ഫാല്‍ക്കെ പുരസ്കാരവുമായി നയൻസ്

ഹിന്ദിയിലെ അഭിനയത്തിനും മികച്ച നടിക്കുള്ള അവാർഡ് സ്വന്തമാക്കിയിരിക്കുകയാണ് നയൻതാര.

ജവാന്‍ എന്ന ചിത്രത്തിലെ അഭിനയത്തിന് നയന്‍താരയ്ക്ക് മികച്ച നടിയ്ക്കുള്ള ദാദ സാഹെബ് ഫാല്‍ക്കെ ഇന്റര്‍നാഷണല്‍ ഫിലിം ഫെസ്റ്റിവല്‍ പുരസ്‌കാരം.

പുരസ്‌കാരം സ്വീകരിച്ചതിന് ശേഷം സന്തോഷം പങ്കുവച്ച് നയന്‍സ് ഇന്‍സ്റ്റഗ്രാമില്‍ എത്തി. മഞ്ഞ സാരിയില്‍ അതി സുന്ദരിയായി നില്‍ക്കുന്ന ചിത്രങ്ങളും നയന്‍താര പങ്കുവച്ചിട്ടുണ്ട്.

'താഴ്മയോടെ, നന്ദിയോടെ, അനുഗ്രഹീതയായി. ഈ അംഗീകാരത്തിന് നന്ദി' എന്നാണ് നയന്‍താര കുറിച്ചത്. 

ജവാന്‍ എന്ന ചിത്രത്തിലെ അഭിനയത്തിന് ഷാരൂഖ് ഖാന്‍ ആണ് മികച്ച നടനുള്ള പുരസ്‌കാരം നേടിയത്. മികച്ച നടിയായി നയന്‍താരയ്‌ക്കൊപ്പം റാണി മുഖര്‍ജിയും (മിസിസ് ചാറ്റര്‍ജി വേഴ്‌സസ് നോര്‍വെ) പുരസ്‌കാരം ഏറ്റുവാങ്ങി.

ആനിമല്‍ എന്ന ചിത്രത്തിന്റെ സംവിധായകന്‍ സന്ദീപ് റെഡ്ഡിയ്ക്കാണ് മികച്ച സംവിധായകനുള്ള പുരസ്‌കാരം. മികച്ച നടനുള്ള ക്രിട്ടിക്‌സ് പുരസ്‌കാരം വിക്കി കൗശലിനാണ്. ജവാന് വേണ്ടി സംഗീത സംവിധാനം നിര്‍വ്വഹിച്ച അനിരുദ്ധ് രവിചന്ദിനും പുരസ്‌കാരം കിട്ടി.