'നിനക്കൊപ്പം മനോഹരമായ ഓർമ്മകൾ സൃഷ്ടിക്കാനാണ് ഏറെ ഇഷ്ടം'; കത്രീനയ്ക്ക് പിറന്നാൾ ആശംസകളുമായി വിക്കി

ഏറെ ആരാധകരുള്ള പ്രിയ താരദമ്പതികളാണ് കത്രീന കൈഫും ഭർത്താവ് വിക്കി കൗശലും. പലതരത്തിലുള്ള അഭ്യൂഹങ്ങളാണ് താരദമ്പതികളെ പറ്റി ഉയരാറുള്ളത്. 2021ൽ വിവാഹിതരായ ഇവർ, ഇവരുടെ പ്രണയബന്ധം വളരെ രഹസ്യമായി വയ്ക്കുകയായിരുന്നു.

2021 ഡിസംബര്‍ 9ന് രാജസ്ഥാനില്‍ വച്ചായിരുന്നു ഇരുവരുടെയും വിവാഹം. ഇപ്പോഴിതാ കത്രീന കൈഫിന്റെ 40-ാം ജന്മദിനമാണിന്ന്. നടിയ്ക്ക് ആശംസകൾ നേർന്ന് ഭർത്താവ് വിക്കി പങ്കുവച്ച കുറിപ്പാണ് ആരാധകർക്കിടയിൽ‌ വൈറലാകുന്നത്.

"നിനക്കൊപ്പം ഓർമകൾ സൃഷ്ടിക്കുക എന്നതാണ് എന്റെ ജീവിതത്തിലെ ഏറ്റവും പ്രിയപ്പെട്ട കാര്യം. ജന്മദിനാശംസകൾ എന്റെ പ്രണയമേ,"എന്നാണ് വിക്കി കുറിച്ചത്.

ഇതിനൊപ്പം ഇരുവരുടെയും ചിത്രങ്ങളും പങ്കുവച്ചിട്ടുണ്ട്. ഇതോടെ നിരവധി ആരാധകരാണ് പ്രിയ താരത്തിനു ആശംസകൾ നേർന്ന് എത്തുന്നത്.

അതേസമയം തന്റെ ഭാര്യയും നടിയുമായ കത്രീന കൈഫ് ഗര്‍ഭിണിയാണെന്ന തരത്തിലുളള അഭ്യൂഹങ്ങള്‍ക്ക് മറുപടിയുമായി വിക്കി കൗശല്‍ രംഗത്ത് എത്തിയിരുന്നു. ഡല്‍ഹിയില്‍ തന്റെ വരാനിരിക്കുന്ന ചിത്രമായ ബാഡ് ന്യൂസിന്റെ പ്രമോഷനിടെയായിരുന്നു നടന്റെ പ്രതികരണം.

പ്രൊമോഷണല്‍ ഇവന്റില്‍, വിക്കി കൗശല്‍ കത്രീന കൈഫിന്റെ 40-ാം ജന്മദിനത്തെക്കുറിച്ചും സംസാരിച്ചു. ജൂലൈ 16 ചൊവ്വാഴ്ചയാണ് കത്രീനയുടെ ജന്മദിനമെന്നും അതൊരു പ്രത്യേക ദിവസമായി ആഘോഷിക്കാന്‍ താന്‍ കത്രീനയുടെ അ്ടുത്തേക്ക് പോകുകയാണെന്നും വിക്കി വ്യക്തമാക്കി.