'എൻ തങ്കമേ ചെല്ലമേ'; തമിഴ്ശൈലിയിൽ ഉഴിഞ്ഞ് വീടിനകത്തേക്ക് സ്വീകരിച്ച് അമ്മ; സർപ്രൈസുമായി നടൻ ബാല

'അൻപ്' എന്ന തമിഴ് ചിത്രത്തിലൂടെ ബി​ഗ് സ്ക്രീനിൽ എത്തിയ ബാല പിന്നീട് മലയാളികളെ പ്രിയ താരമായി മാറുകയായിരുന്നു. താരത്തിന്റെ മിക്ക വിശേഷങ്ങളും സമൂഹ മാധ്യമങ്ങളിൽ മികച്ച പ്രതികരണമാണ് ലഭിക്കാറുളളത്. ജീവിതത്തിലെ അപ്രതീക്ഷിത പ്രതിസന്ധി നേരിടുമ്പോള്‍ കേരളക്കര ഒന്നടങ്കം അദ്ദേഹത്തിനൊപ്പമായിരുന്നു.

എന്നാൽ ഇപ്പേഴിതാ വികാരനിർഭരമായ വീഡിയോ പങ്കുവച്ചിരിക്കുകയാണ് താരം. ഒരു വര്‍ഷത്തിനു ശേഷം അമ്മയെ കാണാൻ ചെന്നെയിലെ വീട്ടിലെത്തിയ വീഡിയോയാണ് ഇപ്പോൾ വൈറലാക്കുന്നത്.അമ്മയെ വീട്ടിലെത്തി കണ്ടതിന്റെ വീഡിയോ താരം തന്നെയാണ് ഫേസ്ബുക്കിലൂടെ പങ്കുവച്ചത്.

ആശുപത്രിവാസത്തിന് ശേഷം അമ്മ ചെന്താമരയെ സന്ദർശിക്കുന്നത്. ഭാര്യ എലിസബത്തിനൊപ്പമാണ് ബാല അമ്മയെ കാണാനെത്തിയത്. എലിസബത്തിന്റെ യൂട്യൂബ് ചാനലിൽ പ്രസിദ്ധികരിച്ചിട്ടുണ്ട് . ചെല്ലമേ, തങ്കമേ എന്നൊക്കെ വിളിച്ച് തമിഴ്ശൈലിയിൽ ഉഴിഞ്ഞ് വീടിനകത്തേക്ക് സ്വീകരിക്കുന്നതും വീഡിയോയിൽ കാണാം.

വിലമതിക്കാനാവാത്ത നിമിഷം എന്നുപറഞ്ഞുകൊണ്ട് ബാലയാണ് വീഡിയോ ആരംഭിക്കുന്നത്. മുട്ടുവേദന കാരണമാണ് ആശുപത്രിയിലേക്ക് അമ്മ വരാതിരുന്നത് എന്ന് ബാല വീഡിയോയിൽ തുറന്ന് പറയുന്നുണ്ട്.

‌ഒരുപക്ഷേ ഞാൻ മരിച്ചിരുന്നെങ്കിൽ അമ്മ തന്നെ കണ്ടിട്ടേ ഉണ്ടാകുമായിരുന്നില്ലെന്നും ബാല പറഞ്ഞു. ബാലയെ ഏറെ നാളത്തെ കാത്തിരിപ്പിനൊടുവിലാണ് അമ്മ കാണുന്നത്. ഇതിന്റെ വീഡിയോയെ ഹൃദയസ്‍പര്‍ശിയാക്കുന്നു.

മാര്‍ച്ച് ആദ്യവാരമാണ് ആദ്യം ബാലയെ ആശുപത്രിയില്‍ പ്രവേശിപ്പിച്ചത്. ആദ്യദിവസങ്ങളില്‍ ഗ്യാസ്ട്രോ എൻട്രോളജി വിഭാഗത്തിൽ ആയിരുന്നു ബാല. ഇതിന് ഒരാഴ്‍ച മുന്‍പ് കരള്‍രോഗവുമായി ബന്ധപ്പെട്ട് ബാല ചികിത്സ തേടിയിരുന്നു.

ആ സമയത്ത് ആരോ​ഗ്യ സ്ഥിതി മോശം ആയിരുന്നുവെങ്കിലും പിന്നീട് സ്ഥിതി മെച്ചപ്പെടുകയും തുടർന്ന് ബാലയ്‍ക്ക് കരള്‍മാറ്റ ശസ്ത്രക്രിയയ്ക്ക് ഡോക്ടർമാർ നിർദ്ദേശിക്കുകയും ആയിരുന്നു.