'അറിയാത്ത പെൺകുട്ടികൾ തൊടുന്നത് ഇഷ്ടമില്ല, അൺകംഫേർട്ടബിളാണ്'; അനാർക്കലി മരക്കാർ

അറിയാത്ത പെൺകുട്ടികൾ തൊടുന്നതും അമിത സ്നേഹം കാണിക്കുന്നതും ഇഷ്ടമില്ലെന്ന് നടി അനാർക്കലി മരക്കാർ. ഒരു പരിധിയിൽ അപ്പുറം ആരെയും അധികം അടുപ്പിക്കാറില്ലെന്നും നടി പറഞ്ഞു. ഒരു യൂട്യൂബ് ചാനലിന് നൽകിയ അഭിമുഖത്തിനിടയിലായിരുന്നു അനാർക്കലി ഇക്കാര്യങ്ങൾ പറഞ്ഞത്.

'എനിക്ക് അറിയാത്ത പെൺകുട്ടികൾ എന്നെ തൊടുന്നത് എനിക്ക് ഇഷ്ടമില്ല. എന്നോട് അമിത സ്നേഹം കാണിക്കുന്നതും ഇഷ്ടമല്ല. എന്റെ ബാല്യകാല സുഹൃത്തുക്കൾക്കും ഇക്കാര്യം അറിയാം. ഒരു പരിധിയിൽ അപ്പുറം ആരെയും ഞാൻ എന്നിലേക്ക് അടുപ്പിക്കില്ല. നമ്മുടെ ബൗണ്ടറിയിൽ കയറി ആളുകൾ പെരുമാറുന്നത് എനിക്കിഷ്ടമില്ല.'- അനാർക്കലി മരക്കാർ പറഞ്ഞു. (തുടർന്ന് വായിക്കുക.)

അത് ആണോ പെണ്ണോ എന്നുള്ളതല്ല. നമുക്ക് ഇഷ്ടമുള്ളവർ ആണെങ്കിൽ പ്രശ്നമില്ല. ഇത് കുറെ ലെയേർസുള്ള വിഷയമാണ്. ചില സാഹചര്യങ്ങളിൽ ഈ കാര്യം ചെയ്യാൻ പറ്റില്ലെന്ന് പറയാൻ കഴിയില്ല. കണ്ണിൽ നിന്നും ബോഡി ലാ​ഗ്വേജിൽ നിന്നും മനസിലാക്കേണ്ട കാര്യമാണെന്നും നടി വ്യക്തമാക്കി.

ഈ അടുത്ത് എനിക്കുണ്ടായ ഒരു അനുഭവം പറയാം. കോളേജിലൊക്കെ പ്രോ​ഗ്രാമിന് പോകുന്ന സമയത്ത് പെൺകുട്ടികൾ നമ്മളെ പിടിച്ച് വലിക്കാറുണ്ട്. ആൾക്കൂട്ടത്തിന് ഇടയിൽ നിൽക്കുമ്പോഴാണ് അടിച്ച് വിളിക്കുകയും തോണ്ടുകയുമൊക്കെ ചെയ്യുന്നത്. താൻ അതിലൊക്കെയും അൺകംഫേർട്ടബിൾ ആണെന്നാണ് അനാർക്കലി മരക്കാറിന്റെ വാക്കുകൾ.

പക്ഷെ, പെണ്ണുങ്ങളായതുകൊണ്ട് പെട്ടെന്ന് റിയാക്ട് ചെയ്യാനും പറ്റില്ല. ആണുങ്ങൾ ആണെങ്കിൽ എന്തെങ്കിലും പറയാം. പബ്ലിക് സ്‌പേസില്‍ ആയത് കൊണ്ട് പലപ്പോഴും റിയാക്ട് ചെയ്യാനും സാധിക്കില്ല. ഫീമെയിൽ ആർട്ടിസ്റ്റായതുകൊണ്ട്, പെൺകുട്ടികൾക്ക് തൊടുകയും പിടിച്ചുവലിക്കുകയും ഒക്കെ ചെയ്യാമെന്നൊരു ചിന്താ​ഗതി ഉണ്ട്. അതിനൊരു മാറ്റം വരണമെന്നും താരം കൂട്ടിച്ചേർത്തു.