Leo Success | ലിയോ വന്‍ വിജയമാക്കിയതിന് 'നന്‍ട്രി'; ആഘോഷത്തിനായി ലോകേഷ് കനകരാജ് കേരളത്തിലെത്തും

തെന്നിന്ത്യന്‍ സിനിമാശാലകളില്‍ തരംഗമായി മാറിയ ദളപതി വിജയ് ചിത്രം ലിയോയുടെ വിജയം പ്രേക്ഷകരോടൊപ്പം ആഘോഷിക്കാൻ ചിത്രത്തിന്റെ സംവിധായകൻ ലോകേഷ് കനകരാജ് കേരളത്തിലെത്തും.

അരോമ തിയേറ്റർ പാലക്കാട്, തൃശൂർ രാഗം തിയേറ്റര്‍,  എറണാകുളം കവിതാ തിയേറ്റര്‍ എന്നിവിടങ്ങളിലാണ് പ്രേക്ഷകരോട് നന്ദി പറയാനും അവരെ നേരിട്ട് കാണാനും ലോകേഷ് കനകരാജ് എത്തുക. തിങ്കളാഴ്ച നിശ്ചയിച്ചിരുന്ന പരിപാടി മറ്റൊരു ദിവസത്തേക്ക് മാറ്റിവെച്ചതായി സംഘാടര്‍ അറിയിച്ചു.

കേരളത്തിലെ സിനിമാ റിലീസുകളിൽ ചരിത്രം കുറിച്ചാണ് 655 സ്‌ക്രീനുകളിൽ ലിയോ പ്രദർശനം ആരംഭിച്ചത്. കേരളത്തിലെ എല്ലാ സിനിമകളുടെയും ആദ്യ ദിന റെക്കോർഡുകൾ തകർത്തെറിഞ്ഞ ചിത്രം കേരളത്തിൽ നിന്ന് ആദ്യ ദിനം പന്ത്രണ്ട് കോടി നേടിയും ഈ വർഷത്തെ ഇന്ത്യൻ സിനിമകളുടെ ഏറ്റവും വലിയ ആദ്യ ദിന കളക്ഷനും ആഗോളവ്യാപകമായി ലിയോ സ്വന്തമാക്കി.

ബോക്സ് ഓഫീസിൽ മുന്നൂറു കോടിയിലേക്കു കുതിക്കുന്ന ലിയോയുടെ കേരളത്തിലെ വിതരണാവകാശം ശ്രീ ഗോകുലം മൂവീസ് ആണ്. നാളിതുവരെ കാണാത്ത ഹൗസ്ഫുൾ ഷോസും അഡിഷണൽ ഷോസുമായി കേരളത്തിൽ വിജയം കൊയ്യുകയാണ് ലിയോ.

ചിത്രത്തിന്റെ വിജയാഘോഷത്തിന്റെ ഭാഗമായി മാധ്യമ പ്രവർത്തക്കായി മാത്രം കൊച്ചിയിലെ സ്വകാര്യ ഹോട്ടലിൽ ഒരുക്കിയ പ്രസ് മീറ്റിലും ലോകേഷ് പങ്കെടുക്കും

അനിരുദ്ധ് രവിചന്ദർ സംഗീതമൊരുക്കുന്ന ലിയോയിൽ സഞ്ജയ് ദത്ത്,അർജുൻ സർജ, ഗൗതം മേനോൻ, മിഷ്കിൻ, മാത്യു തോമസ്, മൻസൂർ അലി ഖാൻ, പ്രിയ ആനന്ദ്, സാൻഡി, ജനനി, ബാബു ആന്റണി തുടങ്ങിയ താരങ്ങൾ ശ്രദ്ധേയമായ വേഷങ്ങളിലെത്തി

സെവൻ സ്‌ക്രീൻ സ്റ്റുഡിയോ, ദി റൂട്ട് എന്നിവയുടെ ബാനറുകളിൽ ലളിത് കുമാറും ജഗദീഷ് പളനിസാമിയും ചേർന്നാണ് ലിയോ നിര്‍മ്മിച്ചിരിക്കുന്നത്.

ശ്രീ ഗോകുലം മൂവിസിന് വേണ്ടി ഗോകുലം ഗോപാലൻ ആണ് കേരളത്തിലെ വിതരണാവകാശം സ്വന്തമാക്കിയത്.

ഡ്രീം ബിഗ് ഫിലിംസാണ് കേരളത്തിലെ ഡിസ്ട്രിബൂഷൻ പാർട്ട്നർ. ലിയോയുടെ ഡി.ഒ.പി : മനോജ് പരമഹംസ, ആക്ഷൻ : അൻപറിവ് , എഡിറ്റിങ് : ഫിലോമിൻ രാജ്, പി ആർ ഓ: പ്രതീഷ് ശേഖർ.