വിജയ് ചിത്രത്തിന്‍റെ ഹിന്ദി റീമേക്കിലൂടെ കീര്‍ത്തി സുരേഷ് ബോളിവുഡിലേക്ക്; നിര്‍മ്മാണം അറ്റ്ലി

രാജാറാണിയുടെ വിജയത്തിന് പിന്നാലെ തെന്നിന്ത്യയിലെ മുന്‍നിര സംവിധായകനായി മാറിയ അറ്റ്ലി വിജയിയെ നായകനാക്കി ഒരുക്കിയ സിനിമയായിരുന്നു. തെരി, വിജയ്‌ക്കൊപ്പം സമാന്ത, എമി ജാക്സൺ, രാധിക ശരത് കുമാർ തുടങ്ങി നിരവധി താരങ്ങൾ ചിത്രത്തിൽ അണിനിരന്നു.

2016- ൽ റിലീസ് ചെയ്ത ചിത്രം ഒരു മുഴുനീള എന്‍റർടൈനറായിരുന്നു. വിജയ് ഡിസിപി വിജയകുമാർ, ബേക്കറി ഉടമയായ ജോസഫ് കുരുവിള എന്നിങ്ങനെ രണ്ട് വേഷത്തിലെത്തിയ ചിത്രം ബോക്സ്ഓഫീസിലും വൻ വിജയമായി<span style="color: #333333; font-size: 1rem;">.</span>

ഇപ്പോഴിതാ അതേ വിജയ് ചിത്രം ബോളിവുഡിലേക്ക് റീമേക്ക് ചെയ്യാൻ ഒരുങ്ങുകയാണ് അറ്റ്ലി. സംവിധായകനുപകരം നിര്‍മ്മാതാവിന്റെ റോളിലാകും ചിത്രത്തിൽ അറ്റ്ലി എത്തുക.

വരുൺ ധവാൻ, വാമിക ഗബ്ബി എന്നിവർക്കൊപ്പം നടി കീര്‍ത്തി സുരേഷും ചിത്രത്തില്‍ നായികയായി എത്തുന്നു.

തെരിയില്‍ സമാന്ത അവതരിപ്പിച്ച മിത്ര എന്ന കഥാപാത്രത്തെയാകും ഹിന്ദിയിൽ കീര്‍ത്തി സുരേഷ് അവതരിപ്പിക്കുക. താരത്തിന്റെ ബോളിവുഡ് അരങ്ങേറ്റ ചിത്രം കൂടിയാണിത്.

ബേബി ജോണ്‍ എന്ന് പേരിട്ടിരിക്കുന്ന ചിത്രം 'കീ' എന്ന ചിത്രത്തിലൂടെ ശ്രദ്ധേയനായ കലീസ് ആണ് സംവിധാനം ചെയ്യുന്നത്. സിനിമയുടെ ഫസ്റ്റ് ലുക്ക് വീഡിയോ പുറത്തുവന്നിട്ടുണ്ട്.

തെന്നിന്ത്യന്‍ സംഗീത സംവിധായകൻ തമന്‍ ആണ് ബേബി ജോണിന് സംഗീതം നല്കുക. ജിയോ സ്റ്റുഡിയോസും സിനിവൺ സ്റ്റുഡിയോസുമാണ് അറ്റ്ലിക്കൊപ്പം ചിത്രം നിര്‍മ്മിക്കുന്നത്. മെയ് 31ന് ചിത്രം തിയേറ്ററുകളിലെത്തും.