Khushbu Sundar| കണ്ണ് മൂടിക്കെട്ടി ഖുശ്ബു; ശസ്ത്രക്രിയയ്ക്ക് വിധേയയായെന്ന് താരം

നടിയും കോൺഗ്രസ് നേതാവുമായ ഖുശ്ബു കണ്ണ് ശസ്ത്രക്രിയയ്ക്ക് വിധേയയായി.

നടി തന്നെയാണ് ഇക്കാര്യം സമൂഹമാധ്യമങ്ങളിലൂടെ ആരാധകരുമായി പങ്കുവെച്ചത്.

കഴിഞ്ഞ ദിവസമാണ് താരം ശസ്ത്രക്രിയയ്ക്ക് വിധേയയായത്

രാവിലെ ശസ്ത്രക്രിയയ്ക്ക് വിധേയയാകേണ്ടതിനാൽ കുറച്ചു സമയം സമൂഹമാധ്യമങ്ങളിൽ ആക്ടീവ് അല്ലായിരിക്കും. പെട്ടെന്ന് തന്നെ തിരിച്ച് വരുന്നതായിരിക്കും. എന്നാണ് ഖുശ്ബു കുറിച്ചത്.

കണ്ണ് മൂടിക്കെട്ടിയ ചിത്രത്തിനൊപ്പമാണ് ഖുശ്ബുവിന്റെ കുറിപ്പ്.

ഇതിനു പുറമെ സുരക്ഷിതരായിക്കാനും പുറത്തേക്കു പോകുന്നുണ്ടെങ്കിൽ മാസ് ക് ധരിക്കാനും സാമൂഹിക അകലം പാലിക്കാനും ആരാധകരോട് താരം നിർദേശിച്ചിട്ടുമുണ്ട്.

അതേസമയം താരത്തിന് വേഗം സുഖമാകട്ടെ എന്ന് നിരവധി പേർ ആശംസിച്ചിട്ടുണ്ട്.

കണ്ണ് ശസ്ത്രക്രിയയ്ക്ക് വിധേയയാകുന്നതിന് മുമ്പ് ഫിറ്റ്നെസിനെ കുറിച്ചും താരം പോസ്റ്റ് ചെയ്തിരുന്നു.

പഴയ വസ്ത്രങ്ങളും ഇപ്പോഴും ധരിക്കാനാകുന്നതിലെ സന്തോഷം പങ്കുവെച്ചായിരുന്നു ഖുശ്ബുവിന്റെ പോസ്റ്റ്.

പഴയ വസ്ത്രങ്ങൾ ഇപ്പോഴും ഫിറ്റ് ആകുന്നതിൽ സന്തോഷം.

പഴയ വസ്ത്രങ്ങൾ ഇപ്പോഴും ഫിറ്റ് ആകുന്നതിൽ സന്തോഷം. വർക്ക്ഔട്ട് റിസൾട്ട്, പോസിറ്റിവിറ്റി, ഗുഡ്ഹെൽത്ത്, സ്റ്റേ സെയ്ഫ് എന്നീ ഹാഷ്ടാഗുകളിലാണ് ഖുശ്ബുവിന്റെ പോസ്റ്റ്.

സൂപ്പർ സ്റ്റാർ രജനികാന്തിനൊപ്പമാണ് ഖുശ്ബുവിന്റെ അടുത്ത ചിത്രം.

സമൂഹമാധ്യമങ്ങളിൽ വളരെ ആക്ടീവാണ് ഖുശ്ബു.

അടുത്തിടെ മുസ്ലിമായതിനാൽ താൻ പീഡനത്തിനിരയാകേണ്ടവളാണെന്ന് ഫോണിലൂടെ ഭീഷണിപ്പെടുത്തിയതിനെ കുറിച്ച് ഖുശ്ബു സമൂഹമാധ്യമത്തിൽ പോസ്റ്റ് ചെയ്തിരുന്നു.

ഭീഷണിപ്പെടുത്തിയ ആളുടെ ഫോണ്‍ നമ്പറും പേരുമടക്കം ഖുശ്ബു പുറത്തുവിട്ടിരുന്നു.