വിവാഹ വേഷത്തിലെ രജിത് കുമാറും കൃഷ്ണപ്രഭയും; കുട്ടിമാമാ ഞങ്ങൾ ഞെട്ടി മാമാ അവസ്ഥയിൽ സോഷ്യൽ മീഡിയ

ബിഗ് ബോസ് മത്സരാർത്ഥിയായ രജിത് കുമാറിന്റെയും നടി കൃഷ്ണപ്രഭയുടെയും വിവാഹ വേഷത്തിലെ ചിത്രം കണ്ടമ്പരന്നു ആരാധകർ. ഒന്നും പറയാതെ വിവാഹം ഇതെപ്പോ എന്ന ചോദ്യമാണ് ചിത്രം പ്രചരിക്കുന്ന ഇടങ്ങളിലെല്ലാം നിറയുന്നത്

ബിഗ് ബോസ് മത്സരത്തിലും പുറത്ത് വന്ന ശേഷവും വാർത്തകളിൽ നിറഞ്ഞ് നിന്ന രജിത്കുമാർ ഈ ചിത്രത്തോടെ വീണ്ടും വാർത്തകളിൽ ഇടം നേടുകയാണ്

വിവാഹത്തിന്റെ കൂടുതൽ വിവരങ്ങൾ അന്വേഷിച്ച് രജിത്തിന്റെയും കൃഷ്ണപ്രഭയുടെയും പ്രൊഫൈലുകളിൽ കയറിയാൽ അവിടെ വിവരങ്ങളൊന്നും ലഭ്യമല്ല താനും

എന്നാൽ ചിത്രം ഹാസ്യ രൂപത്തിലുള്ള ഒരു ടി.വി. പരിപാടിക്ക് വേണ്ടിയുള്ളതാണെന്ന് റിപോർട്ടുകൾ ഇതോടൊപ്പം തന്നെ വരികയും ചെയ്തു. പരിപാടിയുടെ അണിയറക്കാർ തന്നെ പുറത്തുവിട്ട ചിത്രമാണിതെന്ന് റിപ്പോർട്ടുകളിൽ പറയുന്നു

രജിത്കുമാർ വിവാഹിതനാകും എന്നുള്ള തരത്തിലെ വാർത്തകൾ വളരെ നേരത്തെ മുതലേ സോഷ്യൽ മീഡിയയിൽ പ്രചരിക്കുകയാണ്‌. പക്ഷെ ആരാണ് വധുവെന്നോ, എപ്പോഴാണ് വിവാഹമെന്നോ ഒന്നും വ്യക്തതയില്ലായിരുന്നു

രജിത് ആർമി എന്ന പേരിൽ വൻ ആരാധകവൃന്ദമുള്ള അധ്യാപകനായ ഇദ്ദേഹം റിയാലിറ്റി ഷോയിൽ നിന്നും തിരികെ എത്തിയപ്പോൾ കൊച്ചി വിമാനത്താവളത്തിൽ, കോവിഡ് മാനദണ്ഡങ്ങൾ പാലിക്കാതെ, സ്വീകരിക്കാൻ ആളുകൂടി എന്ന പേരിൽ രജിത്കുമാർ ഉൾപ്പെടെയുള്ളവർ അറസ്റ്റിലാവുകയും ചെയ്തിരുന്നു