കണ്ണൂർ വിമാനത്താവളത്തിൽ നിന്ന് ജിദ്ദയിലേക്ക് എയർ ഇന്ത്യ എക്സ്പ്രസ് സർവീസുകൾ തുടങ്ങി

കണ്ണൂർ അന്താരാഷ്ട്ര വിമാനത്താവളത്തിൽ നിന്ന് എയർ ഇന്ത്യ എക്സ്പ്രസ് ജിദ്ദയിലേക്ക് സർവീസുകൾ ആരംഭിച്ചു. രാവിലെ 10 മണിയോടുകൂടിയാണ് 172 യാത്രക്കാരുമായി വിമാനം ജിദ്ദയിലേക്ക് പുറപ്പെട്ടത്.

യാത്രക്കാരിൽ ഭൂരിഭാഗവും ഉംറ തീർത്ഥാടകരായിരുന്നു. തീർത്ഥാടകർക്കായി പ്രാർത്ഥനാ മുറികൾ ഉൾപ്പെടെ എല്ലാവിധ സജ്ജീകരണങ്ങളും പ്രത്യേകമായി തയ്യാറാക്കിയിരുന്നു. പെട്ടെന്ന് ചെക്ക് ഇൻ ചെയ്യാനുള്ള സംവിധാനങ്ങളും ഒരുക്കിയിരുന്നു.

കണ്ണൂർ അന്താരാഷ്ട്ര വിമാനത്താവളത്തിൽ നിന്നും ജിദ്ദയിലേക്ക് സർവീസ് വേണമെന്നത് ദീർഘനാളത്തെ യാത്രക്കാരുടെ ആവശ്യമായിരുന്നു.

ജിദ്ദയിൽ നിന്നുള്ള വിമാനം ഉച്ചക്ക് 2 മണിയോടുകൂടി കണ്ണൂരിലെത്തി. എയർ ഇന്ത്യ എക്സ്പ്രസ് എല്ലാം ഞായറാഴ്ചയും ആണ് കണ്ണൂരിൽ നിന്നും ജിദ്ദയിലേക്ക് സർവീസ് നടത്തുന്നത്. (പ്രതീകാത്മക ചിത്രം)

ഇതോടെ കണ്ണൂർ അന്താരാഷ്ട്ര വിമാനത്താവളത്തിൽ നിന്നും 11 വിദേശരാജ്യങ്ങളിലേക്ക് നേരിട്ട് യാത്ര ചെയ്യാനാവും. (പ്രതീകാത്മക ചിത്രം)