തെങ്ങ് ചതിക്കില്ല; കൊക്കയിലേക്ക് മറിഞ്ഞ KSRTC ബസിന് രക്ഷയായി

കൽപ്പറ്റ: വയനാട്ടിലെ കൽപറ്റയിൽ KSRTC ബസ് മറിഞ്ഞ് നിരവധി പേർക്ക് പരിക്ക്. കൽപ്പറ്റ വെളളാരംകുന്നിലാണ് അപകടം. അപകടത്തിൽ ഡ്രൈവറുടെ പരിക്ക് ഗുരുതരമാണ്. ബസ് കൊക്കയിലേക്കാണ് മറിഞ്ഞതെങ്കിലും തെങ്ങിലേക്ക് ചാരി നിന്നതിനാൽ വൻ ദുരന്തം ഒഴിവാകുകയായിരുന്നു.

കൽപറ്റയിൽ നിന്ന് കോഴിക്കോട്ടെക്ക് പോവുകയായിരുന്ന ബസാണ് മറിഞ്ഞത്. ബസിൽ നിറയെ യാത്രക്കാരുണ്ടായിരുന്നു. അപകടത്തിൽ ഗുരുതരമായി പരിക്കേറ്റ ബസ് ഡ്രൈവറെ ആശുപത്രിയിൽ പ്രവേശിപ്പിച്ചു.

അപകടമുണ്ടായപ്പോൾ ഓടിയെത്തിയ നാട്ടുകാരും പൊലീസും ചേർന്നാണ് രക്ഷാപ്രവർത്തനം നടത്തിയത്.