'പതിമൂന്നാം വയസിൽ വീട്ടിൽ ബലാത്സംഗ ശ്രമമുണ്ടായി' ബിഗ് ബോസ് മത്സരാർഥിയുടെ ഞെട്ടിപ്പിക്കുന്ന വെളിപ്പെടുത്തൽ

വീട്ടിനുള്ളിൽവെച്ച് പതിമൂന്നാം വയസിൽ തനിക്കുനേരെ ബലാത്സംഗ ശ്രമമുണ്ടായെന്ന വെളിപ്പെടുത്തലുമായി ബിഗ് ബോസ് മത്സരാർഥി. ബിഗ് ബോസ് മത്സരാർഥി ആരതി സിങ് ആണ് കുട്ടിക്കാലത്തെ ഇരുണ്ട സംഭവം വിവരിച്ചത്.

'ഞങ്ങൾ ലഖ്‌നൗവിൽ താമസിക്കുമ്പോഴായിരുന്നു സംഭവം. അപ്പോൾ വീട്ടിൽ ആരും ഉണ്ടായിരുന്നില്ല. വീട്ടിൽ ഉച്ചകഴിഞ്ഞ് 3 മണിക്ക് ഉറങ്ങുന്ന ശീലമുണ്ടായിരുന്നു. ഞാൻ ഉറങ്ങുകയായിരുന്നു"- ആരതി സിങ് പറഞ്ഞു.

ഉറക്കത്തിനിടെ ആരോ തന്നെ കടന്നുപിടിച്ചതായി തോന്നി. ഞെട്ടിയുണർന്നപ്പോൾ വീട്ടിലെ ജോലിക്കാരൻ തന്നെ ബലമായി പിടിക്കുകയായിരുന്നു.

അലറി വിളിച്ച് ബഹളമുണ്ടാക്കിയെങ്കിലും അയാൾ വിട്ടില്ല. തന്‍റെ വസ്ത്രങ്ങൾ വലിച്ചുകീറി. ഒരുവിധമാണ് അന്ന് അയാളുടെ പിടിയിൽനിന്ന് രക്ഷപെട്ടത്- ഞെട്ടലോടെ ആരതി സിങ് പറഞ്ഞു. ഈ സംഭവം വിവരിച്ചതോടെ അവർ വിതുമ്പി.

ചാപ്പക് സിനിമയുടെ പ്രചരണാർഥം ദീപിക പദുകോൺ ആയിരുന്നു ഈ എപ്പിസോഡിൽ ബിഗ് ബോസിലെ അതിഥി. ചിത്രം പ്രമേയമായ ലക്ഷ്മി അഗർവാളും പരിപാടിയിൽ എത്തിയിരുന്നു.

ജീവിതത്തിൽ നേരിടേണ്ടി വന്ന ഞെട്ടിപ്പിക്കുന്ന സംഭവം ലക്ഷ്മി അഗർവാളും വിവരിച്ചു. പരിപാടിയിൽ വെച്ച് ദീപിക പദുകോൺ, ലക്ഷ്മി അഗർവാളിനെ ആദരിച്ചു.

ആരതി സിംഗ്

ആരതി സിംഗ്

ആരതി സിംഗ്