Covid 19 | കോവിഡുമായി ആഴ്ച്ചകളോളം നീണ്ട പോരാട്ടത്തിനൊടുവിൽ യുവാവിന് ആശുപത്രി കിടക്കയിൽ വിവാഹം

കോവിഡ് 19 ബാധിതനായിരുന്ന ജോനാഥൻ ജോൺസൺ എന്ന 28കാരൻ കഴിഞ്ഞ കുറച്ച് ആഴ്ചകളായി രോഗവുമായി നീണ്ട പോരാട്ടത്തിലായിരുന്നു. ആഴ്ചകളോളം വെന്റിലേറ്ററിൽ ആയിരുന്ന ജോനാഥൻ ജോൺസൺ ഒടുവിൽ രോഗ ശമനത്തിലേക്ക് മടങ്ങുമ്പോൾ ഒരു തീരുമാനമെടുത്തു. എത്രയും പെട്ടെന്ന് തന്റെ കാമുകിയുമായുള്ള വിവാഹം നടത്തണമെന്നതായിരുന്നു ആ തീരുമാനം. ആശുപത്രിയിൽ കിടക്കയിൽ തന്നെ വിവാഹം നടത്തണമെന്ന ആഗ്രഹത്തിലായിരുന്നു ആ 28കാരൻ. ഒടുവിൽ ആശുപത്രി ജീവനക്കാരുടെ സഹായത്തോടെ തന്റെ പ്രതിശ്രുതവധുവിനെ ഞെട്ടിച്ച് ആശുപത്രിയിലെ തീവ്രപരിചരണ വിഭാഗത്തിലുള്ള കിടക്ക ഒരു വിവാഹ വേദിയാക്കി മാറ്റുകയായിരുന്നു.