മേൽക്കൂര തകർത്ത് കിടപ്പുമുറിയിൽ പതിച്ച പാറക്കഷണം; 500 കോടി വര്‍ഷം പഴക്കമുള്ള ഉല്‍ക്കാശില

മുമ്പ് ഇന്തോനേഷ്യയിൽ ഒരു വീടിനു മുകളിൽ ഉൽക്കാശില പതിക്കുകയും വീട്ടുടമ കോടീശ്വരനായി മാറുകയും ചെയ്തതായി വാർത്തകൾ പുറത്തു വന്നിരുന്നു. 33 കാരനായ ജോഷ്വ ഹുട്ടഗലുങ് തന്റെ വീടിന് മുകളിൽ വന്ന് വീണ ഉൽക്കാശില വിറ്റ് ഏകദേശം 10 കോടി രൂപ സമ്പാദിച്ചെന്നാണ് വിവരം. എന്നാൽ സമാനമായ ഒരു സംഭവം അമേരിക്കയിൽ നിന്നാണ് ഇപ്പോൾ റിപ്പോർട്ട് ചെയ്യപ്പെട്ടിരിക്കുന്നത്. അമേരിക്കയിലെ ന്യൂജേഴ്‌സിയിൽ ഒരു സ്ത്രീയുടെ വീടിന് മുകളിൽ ഒരു കല്ല് വന്ന് വീഴുകയായിരുന്നുവത്രേ. ആദ്യം ഇത് ഒരു സാധാരണ കല്ലാണെന്നാണ് അവർ കരുതിയത്, പക്ഷേ വിദഗ്ധരുടെ അഭിപ്രായത്തിൽ അത് ഏകദേശം 5 കോടി വർഷം പഴക്കമുള്ള ഉൽക്കാശിലയാണെന്നാണ് റിപ്പോർട്ട്.