യുഎപിഎ ചുമത്തി അറസ്റ്റ് ചെയ്യപ്പെട്ട സഹോദരിപുത്രന് നടി സജിത മഠത്തിലിന്റെ വികാരഭരിതമായ കുറിപ്പ്

“അലന്‍ വാവേ, വല്യമ്മക്കും അമ്മക്കും ഉറക്കം വരുന്നില്ല. നിന്റെ നീളം ഉതുക്കാന്‍ തക്കവണ്ണം പണിയിച്ച കട്ടിലില്‍ ഞങ്ങള്‍ നിശ്ശബ്ദരായി ഇരിക്കുകയാണ്. നിലത്ത് കിടന്നാല്‍ പുറംവേദന വരുമെന്ന് നീ പറയാറില്ലെ?” സജിത മഠത്തിലിന്റെ എഴുത്ത് ആരംഭിക്കുന്നത് ഇങ്ങനെയാണ്. “നമുക്കിനി രാഷ്ട്രീയ ചര്‍ച്ചകള്‍ നടത്തണ്ട വാവേ… നിയമം പഠിക്കാന്‍ റാങ്കുമായി പുറപ്പെട്ട നീയിനി, നിയമത്തിന്റെ കുരുക്കഴിച്ച്,, അഴിച്ച്! ഇനി എത്ര നാള്‍? പെട്ടെന്ന് തിരിച്ച് വായോ!” റെഡ് വളണ്ടിയർ യൂണിഫോം ധരിച്ച അലന്റെ ഫോട്ടോ ഷെയർ ചെയ്‌ത്‌ സജിത എഴുതുന്നു.