Anirudh Ravichander: സംഗീത സംവിധായകൻ അനിരുദ്ധ് രവിചന്ദറിന് വിവാഹം; വധു സൺറൈസ് ഹൈദരബാദിന്റെ സിഇഒ

Last Updated:

ഐപിഎൽ ലേലത്തിൽ ഉൾപ്പടെ ശ്രദ്ധനേടിയ വ്യക്തിയാണ് 33 കാരിയായ കാവ്യ മാരൻ

News18
News18
തെന്നിന്ത്യൻ സിനിമയിലെ തിരക്കേറിയ സംഗീത സംവിധായകനും ഗായകനുമായ അനിരുദ്ധ് രവിചന്ദർ വിവാഹിതനാകാൻ പോകുന്നതായി റിപ്പോർട്ടുകൾ. പ്രശസ്ത ബിസിനസ്സ് വുമണും, സൺ ടീവി നെറ്റ്‌വർക്കിന്റെ എക്സിക്യൂട്ടീവ് ഡയറക്ടറും, സൺറൈസേഴ്‌സ് ഹൈദരാബാദ് ഐ.പി.എൽ ടീമിന്റെ സഹഉടമയുമായ കാവ്യ മാരൻ ആണ് വധു. ഇരുവരുടെയും വിവാഹം ഉറപ്പിച്ചു എന്ന തരത്തിലുള്ള വാർത്തകൾ റെഡിറ്റ് ഉൾപ്പെടെയുള്ള സമൂഹമാധ്യമങ്ങളിൽ വൈറലാവുകയാണ്. ഇരുവരും വാർത്തകളോട് ഔദ്യോഗികമായി പ്രതികരിച്ചിട്ടില്ല.
സൺ ഗ്രൂപ്പ് ചെയർമാൻ കലാനിധി മാരന്റെയും കാവേരി മാരന്റെയും മകളാണ് കാവ്യ. 2024 മുതൽ അനിരുദ്ധ് രവിചന്ദറും കാവ്യയും തമ്മിൽ പ്രണയത്തിലാണെന്ന തരത്തിലുള്ള വാർത്തകൾ പ്രചരിച്ചിരുന്നു. ഇരുവരെയും ഒന്നിച്ചു പലയിടത്തും ആരാധകർ കണ്ടതോടെയാണ് പ്രണയത്തിലാണെന്ന വാർത്തകൾക്ക് ശക്തിപ്രാപിച്ചത്.
ഐപിഎൽ ലേലത്തിൽ ഉൾപ്പടെ ശ്രദ്ധനേടിയ വ്യക്തിയാണ് 33 കാരിയായ കാവ്യ മാരൻ. ഐപിഎൽ 2025 ലേലത്തിൽ മുൻനിര കളിക്കാരായ ഇഷാൻ കിഷനെയും മുഹമ്മദ് ഷമ്മിയെയും കാവ്യാ തന്റെ ടീമായ സൺറൈസേഴ്‌സ് ഹൈദരാബാദിൽ എത്തിച്ചിരുന്നു. 2018 ലാണ് കാവ്യ സൺറൈസ് ഹൈദരബാദിന്റ ചുമതല ഏറ്റെടുക്കുന്നത്.
advertisement
ധനുഷ് സംവിധാനം ചെയ്ത 3 എന്ന സിനിമയിലൂടെയാണ് അനിരുദ്ധ് തമിഴിൽ അരങ്ങേറ്റം കുറിച്ചത്. ഈ ചിത്രത്തിനു വേണ്ടി അനിരുദ്ധ് സംഗീതം നൽകിയ 'വൈ ദിസ് കൊലവെറി ഡി' എന്ന ഗാനം യൂടൂബിൽ വൈറലായി .നിലവിൽ 10 കോടിയിലേറെ വ്യൂസ് ആണ് ഈ ഗാനത്തിനു യൂടൂബിൽ ലഭിച്ചിട്ടുള്ളത്. സൂപ്പർ താരം അജിത് നായകനായ വിടാമുയർച്ചിയാണ് താരത്തിന്റേതായി പുറത്തിറങ്ങിയ അവസാന ചിത്രം. അടുത്ത പത്ത് മാസത്തിനുള്ളിൽ 50 ൽ അധികം ഗാനങ്ങളാണ് ഒരുക്കാനുള്ളത് എന്ന് അനിരുദ്ധ് ഈ അടുത്ത് ഒരു അഭിമുഖത്തിൽ വ്യക്തമാക്കിയിരുന്നു. നിലവിൽ തമിഴിലെ ഏറ്റവും തിരക്കുള്ള സംഗീത സംവിധായകരിൽ ഒരാളാണ് അനിരുദ്ധ് . തമിഴ് കൂടാതെ ഷാരൂഖിന്റെ അടുത്ത ബോളിവുഡ് ചിത്രത്തിലും അനിരുദ്ധ് സംഗീതം ഒരുകുന്നതായി വാർത്തകൾ പുറത്തുവരുന്നുണ്ട്.
മലയാളം വാർത്തകൾ/ വാർത്ത/Buzz/
Anirudh Ravichander: സംഗീത സംവിധായകൻ അനിരുദ്ധ് രവിചന്ദറിന് വിവാഹം; വധു സൺറൈസ് ഹൈദരബാദിന്റെ സിഇഒ
Next Article
advertisement
Love Horoscope Oct 26 | വൈകാരിക ബന്ധം കൂടുതൽ ആഴത്തിലാകും; പ്രണയബന്ധം കൂടുതൽ ഊഷ്മളമാകും: ഇന്നത്തെ രാശിഫലം
Love Horoscope Oct 26 | വൈകാരിക ബന്ധം കൂടുതൽ ആഴത്തിലാകും; പ്രണയബന്ധം കൂടുതൽ ഊഷ്മളമാകും: ഇന്നത്തെ രാശിഫലം
  • എല്ലാ രാശിക്കാർക്കും സ്‌നേഹബന്ധങ്ങൾ ആഴത്തിലാക്കാനുള്ള അവസരങ്ങൾ ലഭിക്കും

  • ധനു രാശിക്കാർക്ക് സന്തോഷവും പ്രണയവും അനുഭവപ്പെടും

  • മീനം രാശിക്കാർക്ക് വൈകാരിക വെല്ലുവിളികൾ നേരിടേണ്ടി വരാം

View All
advertisement