പച്ച നിറത്തിൽ മുട്ട, മാംസത്തിന്റെ നിറം നീല; അപൂർവയിനം കോഴിയുമായി ഗവേഷകർ

ചിലിയിലെ അരോക്കാന പ്രദേശത്ത്‌ നിന്നുള്ള നീല മുട്ടയിടുന്ന കോഴിയേയും ഇന്‍ഡോനേഷ്യയിലെ സുമാത്രയിലെ നീണ്ട ശരീരമുള്ള കോഴിയേയും ഇണ ചേർത്താണ് പുതിയ ഇനത്തെ സൃഷ്ടിച്ചതെന്ന്‌ ഗവേഷകനായ റൂഡ്‌ കാസന്‍ബ്രുഡ്‌ പറയുന്നു.

ഷ്വീൻജലർ കോഴികൾ ഒരു തവണ 60-70 മുട്ടകളിടും. ഇടത്തരം വലുപ്പമുള്ള കോഴികളുടെ മാംസവും നീല നിറമാണ്‌. നിറങ്ങള്‍ക്കു കാരണമായ ജീനുകളുടെ പരിണാമമാണ്‌ നിറം മാറ്റത്തിന്‌ കാരണം. നിറ വ്യത്യാസമുണ്ടെങ്കിലും കഴിക്കാൻ അനുയോജ്യമാണ് ഇറച്ചിയും മുട്ടയും.

മലപ്പുറത്ത് പച്ച മുട്ടയിടുന്ന കോഴിയുടെ വാർത്ത നേരത്തേ റിപ്പോർട്ട് ചെയ്തിരുന്നു. ഒതുക്കുങ്ങൽ അമ്പലവൻ കുളപ്പുരക്കൽ ശിഹാബുദ്ധീൻ വളർത്തുന്ന കോഴികളിടുന്ന മുട്ടയുടെ ഉണ്ണിക്ക് പച്ചനിറമായിരുന്നു. വിവിധ ഇനത്തിൽ പെട്ട കോഴികളെ ഒരുമിച്ചാണ് ശിഹാബുദ്ദീൻ കൂട്ടിലിട്ടിരുന്നത്.ക്രോസ് ബ്രീഡിംഗ് കാരണമുള്ള ജനിതക മാറ്റം ആയിരിക്കാം മുട്ടയുടെ നിറ വ്യത്യാസത്തിന് കാരണം എന്നാണ് കരുതുന്നത്.