വിഷയത്തിൽ നരേന്ദ്ര മോദി ഇടപെടണം; പബ്ജിയിലെ കാമുകനെ തേടി ഇന്ത്യയിലെത്തിയ പാക് യുവതിയുടെ ഭർത്താവ്

ഇന്ത്യയിലെത്തിയ തന്റെ ഭാര്യയേയും മക്കളേയും തിരിച്ചു വേണമെന്ന് ആവശ്യപ്പെട്ട് രംഗത്തെത്തിയിരിക്കുകയാണ് സീമയുടെ ഭർത്താവ് ഗുലാം ഹൈദർ. പാകിസ്ഥാൻ സ്വദേശിയായ ഗുലാം ഹൈദർ നിലവിൽ സൗദി അറേബ്യയിലാണ്. വീഡിയോ സന്ദേശത്തിലൂടെയാണ് ഭാര്യയേയും മക്കളേയും വേണമെന്ന് ഗുലാം ആവശ്യപ്പെട്ടിരിക്കുന്നത്.

പ്രധാനമന്ത്രി സർക്കാർ വിഷയത്തിൽ ഇടപെട്ട് എത്രയും വേഗം സീമയേയും മക്കളേയും സുരക്ഷിതരായി തിരിച്ച് പാകിസ്ഥാനിലേക്ക് അയക്കണമെന്നാണ് ഗുലാമിന്റെ ആവശ്യം. കാണാതായ ഭാര്യയേയും മക്കളേയും കണ്ടെത്താൻ സഹായിച്ച് ഇന്ത്യയിലെ മാധ്യമങ്ങളാണെന്നും അവരോടും നന്ദിയുണ്ടെന്നും വീഡിയോയിൽ ഹൈദർ പറയുന്നു.

Also Read- പബ്ജിയിൽ പോരടിച്ച് പ്രണയത്തിലായി; കാമുകനെ തേടി 27കാരി പാകിസ്താനില്‍ നിന്ന് ഇന്ത്യയിലെത്തി; ഒപ്പം നാല് മക്കളും

പാകിസ്താനിലെ കറാച്ചിയില്‍ നിന്ന് ദുബായിലേക്കാണ് ആദ്യം സീമ എത്തിയത്. തുടര്‍ന്ന് അവിടെ നിന്ന് നേപ്പാളിലെ കാഠ്മണ്ഡുവിലെത്തി. അവിടെ നിന്നും പൊഖാറ വഴി ഇന്ത്യയിലേക്ക് കടന്ന അവര്‍ സച്ചിന്‍ താമിസിക്കുന്ന ഗ്രേറ്റര്‍ നോയിഡയിലെത്തിച്ചേര്‍ന്നു. വിവാഹത്തിനായി സഹായിക്കണമെന്ന് അഭ്യര്‍ത്ഥിച്ച് ഇരുവരും ഒരു അഭിഭാഷകനെ സമീപിക്കുകയായിരുന്നു. അഭിഭാഷകനാണ് ഇരുവരെയും പോലീസിന് മുന്നിൽ എത്തിച്ചത്.