വാങ്ങിയത് ഇന്ത്യയിലെ ആദ്യ റോൾസ് റോയ്സ് സ്‌പെക്ടർ ഇവി; വൈറലായത് ഉടമയുടെ ചെരിപ്പ്!

” ഒരു പുസ്തകത്തിനെ അതിന്റെ പുറം ചട്ട നോക്കി വിലയിരുത്തരുത്” എന്ന പഴമൊഴിക്ക് ചേർന്ന ഒരു ഉദാഹരണമാണ് ഇപ്പോൾ വൈറലാകുന്ന ഒരു ഫോട്ടോ. ബ്രിട്ടീഷ് ആഡംബര കാർ നിർമ്മാതാക്കളുടെ ആദ്യ ഇലക്ട്രിക് കാർ ഇന്ത്യയിലെ ഔദ്യോഗിക ലോഞ്ചിന് മുമ്പേ തന്നെ സ്വന്തമാക്കിയിരിക്കുകയാണ് ഈ ചെന്നൈക്കാരൻ. ബാഷ്യം കൺസ്ട്രക്ഷൻസ് ഉടമ ബാഷ്യം യുവരാജ് ആണ് ഈ ഭാഗ്യവാൻ. സാധാരണ രീതിയിലുള്ള വസ്ത്രം ധരിച്ച് കാലിൽ കുറഞ്ഞ വിലയുടെ ചെരിപ്പും ധരിച്ചു നിന്നാണ് യുവരാജ് ഇലക്ട്രിക് റോൾസ് റോയ്സ് സ്‌പെക്ടർ ഏറ്റുവാങ്ങിയത്. ആ ചിത്രമാണ് ഇപ്പോൾ വൈറലായിരിക്കുന്നത്.