ജയിൽ തടവുകാരെ മാധ്യമപ്രവർത്തനം പഠിപ്പിക്കുന്നു

അച്ചടി-ദൃശ്യമാധ്യമങ്ങളിൽ ജോലി ലഭിക്കുംവിധം പല കോഴ്സുകളാണ് ജയിലിൽ ആരംഭിക്കുന്നത്. ഇതിന്‍റെ തുടക്കമെന്നോണം പ്രൂഫ് റീഡിങ് കോഴ്‌സാണ് ആദ്യം ആരംഭിച്ചത്. തടവുപുള്ളികൾക്കും മാധ്യമപ്രവർത്തന രം​ഗത്ത് തൊഴിൽ സാധ്യത സൃഷ്ടിക്കുകയാണ് ഈ കോഴ്സിലൂടെ ഉദ്ദേശിക്കുന്നതെന്ന് നവജീവൻ ട്രസ്റ്റ് വ്യക്തമാക്കുന്നു. ക്ലാസുകള്‍ ഒക്ടോബര്‍ 15ന് ആരംഭിക്കും. ആദ്യബാച്ചിൽ ഇരുപത് പേർക്കാണ് പ്രവേശനം നൽകിയിരിക്കുന്നത്. ആഴ്ചയിൽ മൂന്ന് ദിവസം ക്ലാസ് നടത്തും. മാധ്യമരം​ഗത്തെ പ്രധാനികളായിരിക്കും ക്ലാസുകൾ എടുക്കുന്നത്. ഇതുകൂടാതെ സ്ഥിരമായി ക്ലാസെടുക്കാൻ മൂന്നു അധ്യാപകരെയും നിയമിക്കുന്നുണ്ട്. ​ഗുജറാത്തി ഭാഷയിലാണ് പ്രൂഫ് റീഡിങ് കോഴ്സ് ആരംഭിക്കുന്നത്. കൂടുതൽ കോഴ്സുകൾ ആരംഭിക്കുന്നതിന് അനുസരിച്ച് മെച്ചപ്പെട്ട സൌകര്യങ്ങൾ ഒരുക്കുമെന്നും നവജീവൻ ട്രസ്റ്റ് അധികൃതർ പറയുന്നു.