'ചൂണ്ടയും ഇരയും മത്സരാർത്ഥികൾ തന്നെ കൊണ്ടുവരണം'; കൂത്തുപറമ്പ് ദിനത്തിലെ ചൂണ്ടയിടൽ മത്സരത്തെ ട്രോളി P.C വിഷ്ണുനാഥ്

തിരുവനന്തപുരം: കൂത്തുപറമ്പ് രക്തസാക്ഷിദിനാചരണത്തോട് അനുബന്ധിച്ച് ഡിവൈഎഫ്ഐ തയ്യിൽ യൂണിറ്റ് ചൂണ്ടയിടൽ മത്സരം സംഘടിപ്പിക്കുന്നതിനെ പരിഹസിച്ച് പി.സി വിഷ്ണുനാഥ്. മത്സരത്തിന്‍റെ നോട്ടീസിൽ ഏറ്റവും കൗതുകമായി തോന്നിയത് ചൂണ്ടയും ഇരയും മത്സരാർത്ഥികൾ തന്നെ കൊണ്ടുവരണമെന്ന സംഘടനയുടെ നിർദ്ദേശമാണെന്നും വിഷ്ണുനാഥ് ഫേസ്ബുക്ക് പോസ്റ്റിൽ എഴുതി. 'വേട്ടക്കാര'നെയും ഇരയെയും ഒരു നൂലിൽ കെട്ടാൻ സിപിഎമ്മിനും ഡിവൈഎഫ്ഐക്കും അല്ലാതെ മറ്റാർക്ക് സാധിക്കും? എത്ര ഭാവനാസമ്പന്നമാണ് ആ സംഘടനയെന്നും പി.സി വിഷ്ണുനാഥ് ചോദിക്കുന്നു.