'അന്നും ഇന്നും എന്നും ഒരുമിച്ച്'; വൈറലായി സുരേഷ് ഗോപിയുടെ കല്യാണ ചിത്രം

ഇന്നായിരുന്നു മകള്‍ ഭാഗ്യ സുരേഷ് വിവാഹിതയായി. മാവേലിക്കര സ്വദേശി ശ്രേയസ് മോഹനാണ് വരന്‍. ഗുരുവായൂര്‍ ക്ഷേത്ര സന്നിധിയിലെ കതിര്‍മണ്ഡപത്തില്‍ പ്രധാനമന്ത്രി നരേന്ദമോദി, നടന്മാരായ മോഹന്‍ലാല്‍, മമ്മൂട്ടി, ദിലീപ്, ജയറാം എന്നിവരടക്കമുള്ള താരനിരയെ സാക്ഷിയാക്കിയാണ് ശ്രേയസ് ഭാഗ്യയുടെ കഴുത്തില്‍ താലിചാര്‍ത്തിയത്. വിവാഹ ചടങ്ങളില്‍ ഉടനീളം പങ്കെടുത്ത മോദി വധൂവരന്മാരെ അക്ഷതം നല്‍കി അനുഗ്രഹിച്ച ശേഷമാണ് മടങ്ങിയത്. ക്ഷേത്രത്തിലെ താലികെട്ടിന് ശേഷം സമീപത്തെ കണ്‍വെന്‍ഷന്‍ സെന്റില്‍ നടന്ന വിവാഹ ചടങ്ങില്‍ വെച്ച് സുരേഷ് ഗോപിയും രാധികയും ചേര്‍ന്ന് ഭാഗ്യയെ ശ്രേയസിന് കൈപിടിച്ച് നല്‍കി.