'സുരറൈ പോട്രി’ലെ വനിതാ പൈലറ്റ്; സിനിമയിൽ മാത്രമല്ല ജീവിതത്തിലും പൈലറ്റായി വർഷ നായർ

സൂര്യ നായകനായ സുരറൈ പോട്ര് എന്ന സിനിമയുടെ ക്ലൈമാക്സിൽ പ്രത്യക്ഷപ്പെടുന്ന പൈലറ്റിന് അത്ര വേഗമൊന്നും സിനിമ കണ്ടവർ മറക്കില്ല. ഈ പെൺകുട്ടിയാണോ വിമാനം പറത്തിയതെന്ന് ഉർവശിയുടെ കഥാപാത്രം അമ്പരപ്പോടെ ചോദിക്കുന്ന ചോദ്യത്തോടെയാണ് വനിതാ പൈലറ്റ് സ്ക്രീനിലെത്തുന്നത്. വർഷ നായർ ആണ് പൈലറ്റായി എത്തിയത്. എന്നാൽ സിനിമയിൽ  മാത്രമല്ല ജീവിതത്തിലും വർഷ പൈലറ്റാണ്. സംവിധായിക സുധ കൊങ്ങരയുടെ ക്ഷണം സ്വീകരിച്ചാണ് വർഷ ഈ സിനിമയിലേക്ക് എത്തുന്നത്.