ലോകത്തിലെ ഏറ്റവും രസകരമായ തമാശ; ഇതാണ് ഏറ്റവും കൂടുതൽ പേരെ ചിരിപ്പിച്ച തമാശയെന്ന് ഗവേഷകർ

ലോകത്ത് വിവിധ മേഖലകളില്‍ പുതിയ കണ്ടെത്തലുകള്‍ക്കായി ഗവേഷണങ്ങള്‍ നടന്നുകൊണ്ടിരിക്കുകയാണ്. പക്ഷെ, ലോകത്തില്‍ ഏറ്റവുമധികം ആളുകളെ ഏറ്റവുമധികം രസിപ്പിച്ച തമാശ ഏതെന്ന് കണ്ടെത്താനാണ് മനശാസ്ത്രജ്ഞനായ ഡോ.റിച്ചാര്‍ഡ് വൈസ്മാന്‍ ശ്രമിച്ചത്. പക്ഷെ, ഇതിനായി ഓരോ മനുഷ്യരെയും പോയിക്കണ്ട് ചോദിക്കാനാവില്ലല്ലോ. അതിനാല്‍, ലോഫ് ലാബ് എന്ന പേരില്‍ ഒരു വെബ്‌സൈറ്റ് സ്ഥാപിച്ച വൈസ്മാന്‍ 40000ത്തിലധികം തമാശകള്‍ അതില്‍ ശേഖരിച്ചു. ഒരു വര്‍ഷത്തിനുള്ളില്‍ 70 രാജ്യങ്ങളില്‍ നിന്നുള്ള 20 ലക്ഷത്തോളം പേര്‍ വെബ്‌സൈറ്റ് സന്ദര്‍ശിച്ച് തമാശകള്‍ റേറ്റ് ചെയ്തു. അങ്ങനെയാണ് ലോകത്ത് ഏറ്റവുമധികം പേരെ രസിപ്പിച്ച തമാശ എന്നു അറിയപ്പെടുന്ന തമാശ കണ്ടെത്തിയത്.