കല്യാണചടങ്ങിനിടെ മദ്യപിച്ച് കഞ്ചാവടിച്ച് കിറുങ്ങിയ വരനെയും കുടുംബത്തിനെയും വധുവിന്റെ കുടുംബം ബന്ദിയാക്കി

വിവാഹം എന്നത് ഒരു വ്യക്തിയുടെ ജീവിതത്തിലെ പ്രധാനപ്പെട്ട സംഭവമാണ്. ഒരുപാട് പ്രതീക്ഷകളോടെ ആയിരിക്കും ഓരോരുത്തരും ആ ദിവസത്തിന് വേണ്ടി കാത്തിരിക്കുക. എന്നാൽ അപ്രതീക്ഷിതമായ പല സംഭവങ്ങൾ കൊണ്ടും വിവാഹം മുടങ്ങുന്ന വാർത്തകളും നമ്മൾ കണ്ടുകാണും. ഇപ്പോഴിതാ വിവാഹ ചടങ്ങിനിടയിൽ വരൻ മദ്യപിക്കുകയും കഞ്ചാവ് വലിക്കുകയും ചെയ്യുന്നത് കണ്ടതിനെത്തുടർന്ന് വധു വിവാഹത്തിൽ നിന്ന് പിന്മാറിയ സംഭവമാണ് വാര്‍ത്തയായിരിക്കുന്നത്. യുപിയിലെ ഒരു വിവാഹ വേദിയിലാണ് സംഭവം. ഇതിന് പിന്നാലെ വധുവിന്റെ കുടുംബാംഗങ്ങള്‍ തഹസില്‍ദാറായ വരനെയും കുടുംബത്തെയും ബന്ദികളാക്കി വിവാഹത്തിനായി ചെലവഴിച്ച എട്ട് ലക്ഷം രൂപ തിരികെ നൽകണമെന്ന് ആവശ്യപ്പെടുകയും ചെയ്തു.