ഹോനാസ് മസെറ്റി; ഈ പത്മശ്രീ പുരസ്‌കാര ജേതാവ് ബ്രസീലിയന്‍ പൗരനെന്ന് വേഷം കൊണ്ട് അറിയാമോ?

ബ്രസീലിയന്‍ ആത്മീയ ആചാര്യന്‍ ഹോനാസ് മസെറ്റിക്ക് കഴിഞ്ഞ ദിവസം രാഷ്ട്രപതി ദ്രൗപതി മുര്‍മു പത്മശ്രീ പുരസ്‌കാരം സമ്മാനിച്ചിരുന്നു. വേദങ്ങളെക്കുറിച്ചും വേദാന്ത തത്വചിന്തയെക്കുറിച്ചും ലോകമെമ്പാടുംഅദ്ദേഹം നടത്തി വരുന്നപ്രചാരണങ്ങൾ കണക്കിലെടുത്താണ് പുരസ്കാരം സമർപ്പിച്ചത്.ബ്രസീലിലെ ഓഹരി വിപണിയിലെ മികച്ച സ്ഥാപനങ്ങളില്‍ ജോലി ചെയ്തിരുന്ന മെക്കാനിക്കല്‍ എഞ്ചിനീയറായിരുന്നു മസെറ്റി. തനിക്ക് ഇന്ത്യയിലെ നാലാമത്തെ ഉയര്‍ന്ന സിവിലിയന്‍ പുരസ്‌കാരം ലഭിച്ചത് തന്നെ അത്ഭുതപ്പെടുത്തിയെന്ന് പുരസ്‌കാരം സ്വീകരിച്ച് അദ്ദേഹം പറഞ്ഞു. ''ഇത് ഞാന്‍ പ്രതീക്ഷിച്ചിരുന്നില്ല. ഇത് വലിയൊരു ബഹുമതിയാണ്. എനിക്ക് മാത്രമല്ല, മറിച്ച് ഈ പാരമ്പര്യം പിന്തുടാന്‍ ശ്രമിക്കുന്ന ഞങ്ങളുടെ കുടുംബത്തെ സംബന്ധിച്ചും ഇത് വലിയൊരു കാര്യമാണ്,'' വാര്‍ത്താ ഏജന്‍സിയോട് സംസാരിക്കവെ മസെറ്റി പറഞ്ഞു. ഇപ്പോള്‍ സോഷ്യല്‍ മീഡിയയിലെ വൈറല്‍ താരമാണ് അദ്ദേഹം.