ബിരുദ - ബിരുദാനന്തരബിരുദ - ഇന്റഗ്രേറ്റഡ് വിദ്യാർത്ഥികൾക്ക് സെൻട്രൽ സെക്ടർ സ്കോളർഷിപ്പ്

സെൻട്രൽ സെക്‌ടർ സ്‌കോളർഷിപ്പ് സ്‌കീം പ്രകാരം, ബിരുദ/ബിരുദാനന്തര വിദ്യാർത്ഥികൾക്കായി മൊത്തം 82,000 സ്‌കോളർഷിപ്പുകളാണ് വിതരണം ചെയ്യുന്നത്. ആൺകുട്ടികൾക്കും പെൺകുട്ടികൾക്കും തുല്യ അനുപാതത്തിലാണ് സ്കോളർഷിപ്പുകൾ നൽകിവരുന്നത്. ബിരുദ ബിരുദാനന്തര ബിരുദ – ഇന്റഗ്രേറ്റഡ് പ്രോഗ്രാമുകൾക്കു പഠിക്കുന്നവർക്കു മാത്രമായി സെൻട്രൽ സെക്ടർ സ്‌കോളർഷിപ്പ് പരിമിതപെടുത്തിയിട്ടുണ്ട്. ബിടെക് ഉൾപ്പെടെയുള്ള സാങ്കേതിക കോഴ്സുകൾ പഠിക്കുന്ന വിദ്യാർത്ഥികൾക്ക് ബിരുദതലം വരെയാണ് സ്കോളർഷിപ്പിനർഹത.

1. ബിരുദതലം: ബിരുദത്തിന്റെ മൂന്ന് വർഷങ്ങളിൽ വാർഷിക സ്‌കോളർഷിപ്പായി 10,000/- രൂപ നൽകുന്നതാണ്.

2. ബിരുദാനന്തര ബിരുദതലം: ബിരുദാനന്തര ബിരുദ തലത്തിൽ പഠിക്കുന്ന വിദ്യാർത്ഥികൾക്ക് പ്രതിവർഷം 20,000 രൂപയാണ് സ്‌കോളർഷിപ്പായി നൽകുന്നത്.

3. ഇന്റഗ്രേറ്റഡ് പ്രോഗ്രാമുകൾ: ഇന്റഗ്രേറ്റഡ് പ്രോഗ്രാമുകളിൽ പഠിക്കുന്ന വിദ്യാർത്ഥികൾക്ക് ബിരുദത്തിന്റെ ആദ്യ മൂന്ന് വർഷങ്ങളിൽ വാർഷിക സ്‌കോളർഷിപ്പായി 10,000/- രൂപയും അവസാന രണ്ടുവർഷക്കാലയളവിൽ 20,000/- രൂപയും പ്രതിവർഷം നൽകുന്നതാണ്.

അപേക്ഷാ സമർപ്പണത്തിന്: https://scholarships.gov.in

ഡോ. ഡെയ്സൻ പാണേങ്ങാടൻ: daisonpanengadan@gmail.com