COVID 19| ഇറച്ചിക്കടയിലെ ജീവനക്കാരന് കോവിഡ്: 900 പേർ നിരീക്ഷണത്തിൽ; ബാലുശ്ശേരി മാർക്കറ്റ് അടച്ചു

കാക്കൂർ സ്വദേശിയായ ജീവനക്കാരന് കഴിഞ്ഞദിവസം നടന്ന പരിശോധനയിലാണ് കോവിഡ് പോസിറ്റിവായത്. എന്നാൽ ഇയാളുടെ ഉറവിടം വ്യക്തമല്ല. തിരുവോണത്തിനു തൊട്ടുമുമ്പു വരെ ഇയാൾ കടയിലെത്തിയിരുന്നതായി ആരോഗ്യവകുപ്പിനു വിവരം ലഭിച്ചിട്ടുണ്ട്.

ഇതേത്തുടർന്ന് കഴിഞ്ഞ ആഗസ്​റ്റ്​ 20 മുതൽ ബാലുശ്ശേരി മാർക്കറ്റിലെ ഇറച്ചിക്കടയിൽ സമ്പർക്കം പുലർത്തിയ മുഴുവൻ പേരും സ്വയം നിരീക്ഷണത്തിൽ പ്രവേശിക്കണമെന്നും അതത് പ്രദേശത്തെ ആരോഗ്യ പ്രവർത്തകരെയോ ആർ.ആർ.ടി പ്രവർത്തകരെയോ വിവരമറിയിക്കണമെന്നും ജെ.എച്ച്.ഐ ഷാജീബ് കുമാർ അറിയിക്കുകയായിരുന്നു.

അതേ സമയം ബാലുശ്ശേരി പഞ്ചായത്തിലെ 4,12 വാർഡുകളെ കണ്ടെയ്ൻമെൻറ്​ സോണിൽ നിന്നും ഒഴിവാക്കിയിട്ടുണ്ട്. ക്വൻറീനിൽ പ്രവേശിച്ചവർക്ക് ഉടൻ തന്നെ ആൻ്റിജൻ പരിശോധന നടത്താനാണ് ആരോഗ്യ വകുപ്പിൻറെ തീരുമാനം.