Lockdown 2 | വീണ്ടും ലോക്ക്ഡൗൺ പ്രഖ്യാപിച്ച് ഇംഗ്ളണ്ട്; ചൊവ്വാഴ്ച മുതലെന്ന് പ്രധാനമന്ത്രി ബോറിസ് ജോൺസൻ

ലണ്ടൻ; കോവിഡ് വ്യാപനം വീണ്ടും കൂടിയതോടെ രണ്ടാമത് ലോക്ക്ഡൗൺ പ്രഖ്യാപിച്ച് ഇംഗ്ലണ്ട് പ്രധാനമന്തരി ബോറിസ് ജോൺസൻ. ചൊവ്വാഴ്ച മുതൽ ഒരു മാസത്തേക്കാണ് ലോക്ക്ഡൗൺ. ഡിസംബർ 2ന് അർദ്ധരാത്രിവരെ ഇത് തുടരും. ഇതോടെ യൂറോപ്പിൽ കൂടുതൽ രാജ്യങ്ങളിൽ ലോക്ക്ഡൗൺ പ്രഖ്യാപിക്കുന്ന സ്ഥിതിവിശേഷമാണുള്ളത്. വെയിൽസ്, സ്കോട്ട്ലൻഡ്, വടക്കൻ അയർലൻഡ്, എന്നിവിടങ്ങളിലും നിയന്ത്രണങ്ങൾ പ്രഖ്യാപിച്ചിട്ടുണ്ട്. ഇംഗ്ലണ്ടിൽ പ്രധാന പ്രതിപക്ഷമായ ലേബർ പാർട്ടിയുടെ പ്രതിഷേധം ശക്തമായതും ആരോഗ്യവിദഗ്ദ്ധരുടെ മുന്നറിയിപ്പും കാരണമാണ് ബോറിസ് ജോൺസൻ ലോക്ക്ഡൗൺ പ്രഖ്യാപിക്കാൻ നിർബന്ധിതനായത്.