COVID 19 | ലോകത്ത് കോവിഡ് ബാധിതർ 9 ദശലക്ഷത്തിൽ കൂടുതൽ; ഇന്ത്യ നാലാമത്

കൂടുതൽ കായിക താരങ്ങൾക്കും രാഷ്ട്രീയ പ്രവർത്തകർക്കും കോവിഡ് ബാധിക്കുന്ന വാർത്തകളും പുറത്തു വരുന്നു. കഴിഞ്ഞ ദിവസം ടെന്നീസ് താരങ്ങൾക്കും ക്രിക്കറ്റ് താരങ്ങൾക്കും കോവിഡ് 19 സ്ഥിരീകരിച്ചിരുന്നു. അമേരിക്കൻ‌ പ്രസിഡന്റ് ഡൊണാൾഡ് ട്രംപ് പങ്കെടുത്ത റാലിയുടെ സംഘാടന ചുമതല ഉണ്ടായിരുന്ന രണ്ട് ഉദ്യോഗസ്ഥർക്കും കോവിഡ് സ്ഥിരീകരിച്ചു. രോഗവ്യാപനം രൂക്ഷമായ സാഹചര്യത്തിൽ തൊഴിൽ , ഗ്രീൻ വിസകൾക്കുള്ള നിയന്ത്രണം അമേരിക്ക ഈ വർഷം അവസാനം വരെ നീട്ടി.